ວັນທີ 10 ສິງຫານີ້, ຄະນະກຳມະການຈັດງານກິລາໂອລິມປິກລະດູຮ້ອນລອສແອງເຈີລີສປີ 2028 ໄດ້ຈັດກອງປະຊຸມຂ່າວ, ເພື່ອຮັບປະກັນຕໍ່ສື່ມວນຊົນທົ່ວໂລກວ່າ: ຈະນຳໃຊ້ມາດຕະການທີ່ມີຄວາມຈຳເປັນທັງໝົດເພື່ອຮັບປະກັນຄວາມປອດໄພແລະຄວາມຍຸຕິທຳຂອງການແຂ່ງຂັນ. ກອງປະຊຸມຂ່າວຄັ້ງນີ້ໄດ້ດຶງດູດຄວາມສົນໃຈຈາກສື່ມວນຊົນສາກົນຕ່າງໆ, ໃນນັ້ນຄວາມປອດໄພແລະຍຸຕິທຳແມ່ນຫົວຂໍ້ທີ່ມີຄວາມສົນໃຈຮ່ວມກັນຂອງນັກຂ່າວທົ່ວໂລກ.

    ທ່ານແຄຊີ ວາເຊີມານ ປະທານຄະນະກຳມະການຈັດງານກິລາໂອລິມປິກກ່າວວ່າ: ຄະນະກຳມະການໂອລິມປິກແລະຄະນະກຳມະການໂອລິມປິກຄົນພິການຂອງອາເມຣິກາໄດ້ພະຍາຍາມເຮັດວຽກມາໂດຍຕະຫຼອດ, ເພື່ອຮັບປະກັນໃຫ້ຜູ້ເຂົ້າຮ່ວມການແຂ່ງຂັນທັງໝົດຂອງງານກິລາໂອລິມປິກລອສແອນເຈລີສມີຄວາມຍຸຕິທຳ. ທ່ານຍັງເນັ້ນໜັກວ່າ: ໜ້າທີ່ສຳຄັນອັນດັບໜຶ່ງຂອງພວກເຂົາເຈົ້າແມ່ນເຮັດວຽກງານກະກຽມໃຫ້ດີເພື່ອຮັບມືກັບສິ່ງທ້າທາຍທີ່ອາດຈະເກີດຂຶ້ນດ້ານຄວາມປອດໄພການດຳເນີນງານແລະອື່ນໆ, ພະຍາຍາມຈັດງານໂອລິມປິກທີ່ໜ້າຊົມຄັ້ງໜຶ່ງແກ່ທົ່ວໂລກ.