ຫວ່າງມໍ່ໆມານີ້, ການເຕືອນຄວາມສ່ຽງເກີດໄພແຜ່ນດິນໄຫວທີ່ສູງຂຶ້ນຢູ່ຍີ່ປຸ່ນ ໄດ້ເຮັດໃຫ້ປະຊາຊົນເກີດມີຄວາມເປັນຫ່ວງ. ໃບສັ່ງຈອງໂຮງແຮມຂອງທ້ອງຖິ່ນຈຳນວນໜຶ່ງໄດ້ຖືກລູກຄ້າຍົກເລີກເປັນຈຳນວນຫຼວງຫຼາຍ. ອີງຕາມຂ່າວສານກຽວໂດຍີ່ປຸ່ນລາຍງານໃນວັນທີ 10 ສິງຫານີ້ວ່າ: ການຍົກເລີກໂຮງແຮມເຫຼົ່ານີ້ສ່ວນຫຼາຍແມ່ນຢູ່ໃນເຂດກາງ ແລະ ແຄມຝັ່ງທະເລພາກຕາເວັນຕົກທີ່ອາດຈະເກີດໄພແຜ່ນດິນໄຫວ. ປັດຈຸບັນ, ມີໃບສັ່ງຈອງຫຼາຍພັນໃບໄດ້ຖືກຍົກເລີກແລ້ວ.

    ວັນທີ 8 ສິງຫານີ້, ຫຼັງຈາກແຂວງມີຢາຊາກິຂອງຍີ່ປຸ່ນເກີດໄພແຜ່ນດິນໄຫວຂະໜາດ 7,1 ລິກເຕີແລ້ວ, ອົງການອຸຕຸນິຍົມຍີ່ປຸ່ນໄດ້ອອກແຈ້ງການເຕືອນໄພວ່າ: ພາກໃຕ້ຂອງມະຫາສະໝຸດປາຊີຟິກຕາເວັນອອກຂອງຍີ່ປຸ່ນມີຄວາມສ່ຽງເພີ່ມຂຶ້ນທີ່ຈະເກີດໄພແຜ່ນດິນໄຫວຮຸນແຮງ ແລະ ຮຽກຮ້ອງໃຫ້ປະຊາຊົນຍົກສູງສະຕິລະວັງຕົວ ແລະ ກຽມພ້ອມ ເພື່ອປ້ອງກັນໄພແຜ່ນດິນໄຫວໃນໄລຍະເວລາປະມານ 1 ອາທິດຕໍ່ໜ້າ. ທ່ານຟຸມິໂອ ກິຊິດະ ນາຍົກລັດຖະມົນຕີຍີ່ປຸ່ນໄດ້ປະກາດຍົກເລີກແຜນການຢ້ຽມຢາມຕ່າງປະເທດໂດຍດ່ວນໃນວັນທີ 9 ສິງຫານີ້.