ຄະນະກຳມະການຫົວໜ້າອົງການຕຳຫຼວດແຫ່ງຊາດອັງກິດໄດ້ແຈ້ງໃຫ້ຮູ້ໃນຫວ່າງມໍ່ໆມານີ້ວ່າ: ນັບແຕ່ການປະທ້ວງທີ່ຄັດຄ້ານນະໂຍບາຍກ່ຽວກັບຊາວອົບພະຍົບຂອງລັດຖະບານອັງກິດເກີດຂຶ້ນ ແລະ ກາຍເປັນເຫດການວຸ້ນວາຍຂະໜາດໃຫຍ່ຢູ່ສະຖານທີ່ຈຳນວນໜຶ່ງເປັນຕົ້ນມາ, ມີ 741 ຄົນຖືກຈັບແລ້ວ.

    ວັນທີ 29 ກໍລະກົດແລ້ວນີ້, ເມືອງຊາວປອດແຂວງເມີເຊໄຊເດ ທາງພາກຕາເວັນຕົກສຽງເໜືອຂອງອັງກິດໄດ້ເກີດເຫດການໃຊ້ຄວາມຮຸນແຮງດ້ວຍມີດ, ຜູ້ຊາຍທີ່ມີອາຍຸ 17 ປີທີ່ເປັນຜູ້ຕ້ອງສົງໄສໄດ້ບຸກເຂົ້າຫ້ອງຮຽນຂອງໂຮງຮຽນປະຖົມ ແລະ ກໍ່ເຫດ, ເຮັດໃຫ້ມີເດັກນ້ອຍເສຍຊີວິດ 3 ຄົນ ແລະ ຫຼາຍຄົນບາດເຈັບ. ຫຼັງຈາກເກີດເຫດການດັ່ງກ່າວແລ້ວ, ຫຼາຍແຫ່ງຂອງອັງກິດໄດ້ມີການປະທ້ວງ ແລະ ກາຍເປັນເຫດການວຸ້ນວາຍທີ່ໃຊ້ຄວາມຮຸນແຮງ.