ວັນທີ 11 ສິງຫານີ້, ສື່ມວນຊົນຫຼາຍແຫ່ງຂອງອີຣານລາຍງານວ່າ: ກອງທະຫານປ້ອງກັນປະຕິວັດອິສລາມອີຣານກ່າວວ່າ: ໂດຍແນໃສ່ເລື່ອງທີ່ທ່ານອິສມະອິວ ຮານີເຢ ຜູ້ນຳຝ່າຍການເມືອງຂອງກຸ່ມຮາມັດຖືກລອບສັງຫານ, ອິດສະຣາແອນຍ່ອມຈະໄດ້ຮັບຜົນຕອບໂຕ້ຄືນໃນເວລາທີ່ເໝາະສົມແນ່ນອນ.

   ຕາມຂ່າວແຈ້ງວ່າ: ໂຄສົກກອງທະຫານປ້ອງກັນປະຕິວັດອິສລາມອີຣານກ່າວວ່າ: ອິດສະຣາແອນລອບສັງຫານທ່ານ ຮານີເຢ ຢູ່ນະຄອນຫຼວງເຕເຮຣານຂອງອີຣານ ໄດ້ລະເມີດ“ກົດບັດອົງການສະຫະປະຊາຊາດ”ຢ່າງບັງອາດ, ຝ່າຍອີຣານກ່າວເຕືອນວ່າ: ອິດສະຣາແອນຈະໄດ້ຮັບການຕອບໂຕ້ຄືນຕໍ່ການກະທຳລັດທິກໍ່ການຮ້າຍທີ່ໂງ່ຈ້າຂອງພວກເຂົາໃນເວລາເໝາະສົມ.

   ທ່ານອິສມະອິວ ຮານີເຢ ຜູ້ນຳຝ່າຍການເມືອງກຸ່ມຮາມາສຖືກລອບສັງຫານ ຢູ່ນະຄອນຫຼວງເຕເຮຣານຂອງອີຣານໃນວັນທີ 31 ກໍລະກົດແລ້ວນີ້. ອີຣານຢືນຢັນວ່າ ການລອບສັງຫານເທື່ອນີ້ແມ່ນອິດສະຣາແອນເປັນຜູ້ກໍ່ການ ຈຶ່ງໄດ້ສາບານວ່າຕ້ອງແກ້ແຄ້ນຄືນ.