ເນື່ອງຈາກວ່າອົງການອຸຕຸນິຍົມຍີ່ປຸ່ນໄດ້ອອກແຈ້ງການເຕືອນໄພໃນຫວ່າງມໍ່ໆມານີ້ວ່າ: ເຂດພາກໃຕ້ຂອງມະຫາສະໝຸດປາຊີຟິກທີ່ຕັ້ງຢູ່ທາງພາກຕາເວັນອອກຂອງຍີ່ປຸ່ນອາດຈະມີຄວາມສ່ຽງເພີ່ມຂຶ້ນທີ່ຈະເກີດໄພແຜ່ນດິນໄຫວຮຸນແຮງ, ຫຼາຍແຫ່ງຂອງຍີ່ປຸ່ນໄດ້ດຳເນີນວຽກງານປ້ອງກັນໄພແຜ່ນດິນໄຫວໃນຫຼາຍມື້ທີ່ຜ່ານມາ. ນັບມາຮອດວັນທີ 12 ສິງຫານີ້, ໄດ້ເປີດສູນລີ້ໄພຢ່າງໜ້ອຍ 139 ແຫ່ງ.

     ຕາມຂ່າວສື່ມວນຊົນຍີ່ປຸ່ນລາຍງານໃຫ້ຮູ້ວ່າ, ຖ້າວ່າເຂດພາກໃຕ້ຂອງມະຫາສະໝຸດປາຊີຟິກຫາກເກີດໄພແຜ່ນດິນໄຫວຮຸນແຮງ, ແຫ່ງຕ່າງໆຂອງຍີ່ປຸ່ນທີ່ຢູ່ລຽບຕາມມະຫາສະໝຸດປາຊີຟິກຈະປະສົບກັບໄພແຜ່ນດິນໄຫວຮຸນແຮງ ແລະ ຄື້ນຊຸນະມິ. ໃນກໍລະນີໜັກໜ່ວງທີ່ສຸດ, ຄາດວ່າໄພແຜ່ນດິນໄຫວຮຸນແຮງຈະເຮັດໃຫ້ມີຜູ້ເສຍຊີວິດ ແລະ ບາດເຈັບຫຼາຍກວ່າ 320.000 ຄົນ, ມີເຮືອນຊານຢ່າງໜ້ອຍ 2.380.000 ຫຼັງຈະໄດ້ຮັບຄວາມເສຍຫາຍ.