ໂດຍແນໃສ່ກອງທັບອາກາດອິດສະຣາແອນໂຈມຕີໂຮງຮຽນແຫ່ງໜຶ່ງຢູ່ເຂດກາຊາໃນວັນທີ 10 ສິງຫານີ້ ເຮັດໃຫ້ ມີຜູ້ເສຍຊີວິດ 100 ກວ່າຄົນ, ວັນທີ 12 ສິງຫານີ້, ທ່ານລີນຈ້ຽນ ໂຄສົກກະຊວງການຕ່າງປະເທດຈີນກ່າວວ່າ: ຈີນເອົາໃຈໃສ່ລະດັບສູງຕໍ່ການເຄື່ອນໄຫວທາງການທະຫານຂອງອິດສະຣາແອນຢູ່ເຂດກາຊາເຮັດໃຫ້ສາມັນຊົນຈຳນວນຫຼາຍເສຍຊີວິດ ແລະ ໄດ້ຮັບບາດເຈັບ. ຈີນກ່າວປະນາມຕໍ່ການກະທຳທຸກຮູບແບບທີ່ທຳລາຍສາມັນຊົນ,ຄັດຄ້ານການກະທຳທັງໝົດທີ່ລະເມີດກົດໝາຍມະນຸດສະທຳສາກົນໃດໆ, ຮຽກຮ້ອງຢ່າງຮຸນແຮງໃຫ້ອິດສະຣາແອນຈົ່ງຮັບຟັງຄວາມຮຽກຮ້ອງຂອງປະຊາຄົມໂລກ, ຍຸດຕິສົງຄາມ, ຫຼີກເວັ້ນບໍ່ເຮັດໃຫ້ສະຖານະການເຄັ່ງຕຶງຂຶ້ນຕື່ມອີກ. ປະຊາຄົມໂລກຄວນຮ່ວມກັນທຳຄວາມພະຍາຍາມຫຼາຍກວ່າເກົ່າເພື່ອພ້ອມກັນຜ່ອນຄາຍ ແລະສິ້ນສຸດວິກິດການມະນຸດສະທຳທີ່ເກີດຂຶ້ນຢູ່ເຂດກາຊາ.