ວັນທີ 12 ສິງຫານີ້, ພິທີໄຂກິດຈະກຳ “ສັບປະດາຈີນ-ອາຊຽນ2024”ໄດ້ຈັດຂຶ້ນຢູ່ນະຄອນຊາງເຈີ້ ແຂວງຊ່່ານຊີ່ຈີນ, ທ່ານວາງຢີ້ ກຳມະການກົມການເມືອງສູນກາງພັກຄອມມູນິດຈີນ, ລັດຖະມົນຕີກະຊວງການຕ່າງປະເທດຈີນໄດ້ສົ່ງສານອວຍພອນຕໍ່ກິດຈະກຳໃນຄັ້ງນີ້.

    ເນື້ອໃນສານອວຍພອນຂອງທ່ານວາງຢີ້ລະບຸວ່າ: ນັບແຕ່ທ່ານສີຈິ້ນຜິງ ປະທານປະເທດຈີນແລະ ຜູ້ນຳບັນດາປະເທດອາຊຽນໄດ້ປະກາດສ້າງການພົວພັນຄູ່ຮ່ວມຍຸດທະສາດຮອບດ້ານຈີນ-ອາຊຽນໃນປີ 2021 ເປັນຕົ້ນມາ, ການ

ສ້າງປະຊາຄົມຮ່ວມຊາຕາກຳຈີນ-ອາຊຽນໄດ້ມີບາດກ້າວທີ່ໝັ້ນແກ່ນ, ປະຊາຊົນຈຳນວນ 2 ຕື້ກວ່າຄົນໄດ້ມີຄວາມຮັກແພງການເຄົາລົບນັບຖື ຄວາມເຂົ້າໃຈ ແລະ ການເຊື່ອມໂຍງກັນຫຼາຍກວ່າເກົ່າ.

    ເນື້ອໃນສານອວຍພອນຂອງທ່ານວາງຢີ້ຍັງລະບຸອີກວ່າ: ໃນຖານະທີ່ເປັນບ້ານໃກ້ເຮືອນຄຽງທີ່ມີໄມຕີຈິດມິດຕະພາບ ແລະ ສອງຕະຫຼາດທີ່ພັດທະນາຢ່າງຈະເລີນຮຸ່ງເຮືອງ,ການພົວພັນລະຫວ່າງຈີນ ກັບ ອາຊຽນມີກຳລັງແຮງບົ່ມຊ້ອນທີ່ບໍ່ມີຂອບເຂດຈຳກັດ. ຫວັງວ່າພວກຂ້າພະເຈົ້າຈະກຳເອົາໂອກາດການປະຕິວັດດ້ານວິທະຍາສາດເຕັກໂນໂລຊີ ແລະ ການປ່ຽນແປງດ້ານອຸດສາຫະກຳຮອບໃໝ່,ເສີມຂະຫຍາຍທ່າແຮງທີ່ຊ່ວຍຊູຍູ້ໜູນກັນ, ເພິ່ມພະລັງແຮງໃໝ່ເຂົ້າໃນການພັດທະນາໃຫ້ມີຄວາມຈະເລີນຂອງສອງຝ່າຍ, ເພິ່ມກຳລັງແຮງໃໝ່ເຂົ້າໃນສະຖຽນລະພາບ ແລະຄວາມຈະເລີນຮຸ່ງເຮືອຂອງພາກພື້ນ, ປະກອບສ່ວນໃໝ່ເພື່ອສ້າງປະຊາຄົມຮ່ວມຊາຕາກຳຈີນ-ອາຊຽນທີ່ມີຄວາມແໜ້ນແຟ້ນຫຼາຍກວ່າເກົ່າ.