ຕອນຄ່ຳວັນທີ 12 ສິງຫານີ້, ທ່ານຊິມິຈຸ ຮິເດະໂອ ນັກຮົບເກົ່າ“ໜ່ວຍເຍົາວະຊົນ” ຂອງກອງທະຫານ 731 ທະຫານຍີ່ປຸ່ນທີ່ຮຸກຮານຈີນໄດ້ເດີນທາງດ້ວຍເຮືອບິນມາຮອດນະຄອນຮາບິນ ພາກຕາເວັນອອກສຽງເໜືອຂອງຈີນ. ໃນຕໍ່ໜ້າ, ທ່ານຈະເດີນທາງໄປຮອດສະຖານທີ່ເກົ່າຂອງກອງທະຫານ731 ຍີ່ປຸ່ນທີ່ຮຸກຮານຈີນເພື່ອດຳເນີນການຂໍຂະມາ ແລະຂໍອະໄພໂທດ ພ້ອມທັງຊີ້ໃຫ້ເຫັນອາດຊະຍາກຳຂອງກອງທະຫານ 731.

    ທ່ານຊິມິຈຸ ຮິເດະໂອກ່າວວ່າ: ເມື່ອຕອນທ່ານຍັງເປັນເຍົາວະຊົນ ໄດ້ຖືກສົ່ງໄປຮອດກອງນັ້ນ 731 ຂອງຍີ່ປຸ່ນທີ່ຮຸກຮານຈີນຢູ່ນະຄອນຮາບິນ, ໃນໄລຍະນັ້ນ, ທ່ານເຄີຍເຫັນການໃຊ້ຄວາມຮຸນແຮງແບບໄຮ້ມະນຸດສະທຳທີ່ສຸດ ເຊັ່ນ:ປາດທ້ອງປະຊາຊົນຈີນທີ່ຍັງມີຊີວິດຢູ່ເປັນຕົ້ນ.

     ກ່ອນກອງທະຫານ 731 ຂອງຍີ່ປຸ່ນຖອນອອກຈາກຈີນ, ໄດ້ທຳລາຍຫຼັກຖານອາດຊະຍາກຳ ແລະ ຮຽກຮ້ອງໃຫ້ຮັກສາຄວາມລັບຢ່າງເຂັ້ມງວດ. ນັບແຕ່ໃດມາ,ລັດຖະບານຍີ່ປຸ່ນບໍ່ໄດ້ຂໍອະໄພໂທດຕໍ່ຈີນຢ່າງຈິງໃຈ,ແຕ່ທ່ານເອງຮູ້ສຶກວ່າໄດ້ກະທຳຄວາມຜິດຢ່າງຮ້າຍແຮງມາໂດຍຕະຫຼອດ. ບໍ່ເທົ່າໃດປີກ່ອນ, ທ່ານໄດ້ທັບມ້າງສະພາບການອັດປາກ, ເລິ່ມຈາກການປາຖະກະຖາ ແລະ ຮູບການອື່ນໆ ເພື່ອເຜີຍແຜ່ການກະທຳທີ່ຊົ່ວຊ້າຂອງທະຫານຍີ່ປຸ່ນທີ່ຮຸກຮານຈີນໃນເວລານັ້ນໃຫ້ທົ່ວໂລກໄດ້ຮັບຮູ້.