ວັນທີ 12 ສິງຫານີ້, ອິນໂດເນເຊຍໄດ້ຈັດກອງປະຊຸມລັດຖະບານຄົບຄະນະຢູ່ນະຄອນຫຼວງນູຊານຕາຣາທີ່ເປັນນະຄອນຫຼວງຕັ້ງຂຶ້ນໃໝ່ເປັນຄັ້ງທຳອິດ, ເພື່ອປະເມີນສະພາບການພັດທະນາຂອງນະຄອນຫຼວງໃໝ່ແຫ່ງນີ້.

    ທ່ານໂຈໂກ ວິໂດໂດ ປະທານາທິບໍດີອິນໂດເນເຊຍກ່າວວ່າ: ນະຄອນຫຼວງນູຊານຕາຣາເໝືອນດັ່ງຜ້າແຕ້ມຮູບແຜ່ນໃໝ່  ເຊິ່ງພວກເຮົາສາມາດວາດອະນາຄົດຂອງປະເທດຊາດໄດ້, ບໍ່ແມ່ນວ່າປະເທດໃດໆກໍລ້ວນແຕ່ມີໂອກາດ ແລະ ຄວາມສາມາດໃນການສ້າງນະຄອນຫຼວງແຫ່ງໃໝ່ໂດຍເລີ່ມຈາກສູນ. ທ່ານໂຈໂກ ວິໂດໂດ ມີຄວາມໝັ້ນໃຈຕໍ່ນະຄອນຫຼວງໃໝ່ໃນການດຶງດູດການລົງທຶນຈາກຕ່າງປະເທດ.

    ນະຄອນຫຼວງນູຊານຕາຣາຕັ້ງຢູ່ແຂວງກາລີມັນຕານຕາເວັນອອກຂອງອິນໂດເນເຊຍ, ຫ່າງຈາກນະຄອນຫຼວງຈາກາຕາປະມານ 1.200 ກິໂລແມັດ.