ວັນທີ 12 ສິງຫານີ້, ທ່ານ ໂທມາສ ບາກ ປະທານຄະນະກຳມະການໂອລິມປິກສາກົນໄດ້ສົ່ງສານມາຍັງທ່ານ ເຊີ້ນໄຫຊົງ ຜູ້ອຳນວຍການໃຫຍ່ວິທະຍຸໂທລະພາບສູນກາງຈີນ ຫຼື CMG ເພື່ອຊົມເຊີຍ CMG ທີ່ໄດ້ຮັບຜົນສຳເລັດຢ່າງໃຫຍ່ຫຼວງໃນການລາຍງານຂ່າວກິລາໂອລິມປິກປາຣີ.

   ທ່ານບາກກ່າວວ່າ: ງານກິລາໂອລິມປິກປາຣີ2024 ໄດ້ອັດລົງດ້ວຍຜົນສຳເລັດ, CMG ໄດ້ເສີມຂະຫຍາຍບົດບາດສຳຄັນທີ່ສຸດໃນໄລຍະຈັດງານກິລາໂອລິມປິກປາຣີ. ງານກິລາໂອລິມປິກຄັ້ງນີ້ຈັດຂຶ້ນດ້ວຍຄວາມຈູບຈ້າວຫ້າວຫັນ, ເປີດກວ້າງແລະກວມລວມ ເຊິ່ງໄດ້ຮັບຄວາມສົນໃຈຈາກຜູ້ຊົມຫຼາຍກວ່າເຄິ່ງໜຶ່ງຢູ່ໃນໂລກ, ຈຳນວນຜູ້ຊົມທົ່ວໂລກໄດ້ສ້າງສະຖິຕິໃໝ່. ພາຍໃຕ້ການສະໜັບສະໜູນຢ່າງແຂງແຮງຈາກ CMG, ພວກເຮົາໄດ້ຮ່ວມກັນສະແດງມົນສະເໜ່ແລະສີສັນຂອງກິລາໂອລິມປິກໃຫ້ຜູ້ຊົມຈຳນວນຫຼາຍຕື້ຄົນໃນທົ່ວໂລກໄດ້ເຫັນກັບຕາ. ຖ້າວ່າບໍ່ມີການສະໜັບສະໜູນແລະຄວາມພະຍາຍາມທຸ້ມເທເຫື່ອແຮງຂອງ CMG, ງານກິລາໂອລິມປິກຄັ້ງນີ້ອາດຈະບໍ່ໄດ້ຮັບຜົນສຳເລັດໃຫຍ່ຫຼວງປານນີ້.

   ທ່ານບາກຊີ້ໃຫ້ເຫັນຕື່ມວ່າ: ການພົວພັນຄູ່ຮ່ວມມືລະຫວ່າງຄະນະກຳມະການໂອລິມປິກສາກົນກັບວິະຍຸໂທລະພາບສູນກາງຈີນ ຫຼື CMG ໄດ້ສະແດງໃຫ້ເຫັນຄຳຂວັນໂອລິມປິກຢ່າງມີຊີວິດຊີວາ ນັ້ນກໍຄື: “ຍິ່ງໄວ, ຍິ່ງສູງ, ຍິ່ງເຂັ້ມແຂງ ແລະຍິ່ງສາມັກຄີ”.