ວັນທີ 13 ສິງຫານີ້, ທ່ານນາດເຊີ ຄານານີ ໂຄສົກກະຊວງການຕ່າງປະເທດອີຣານໄດ້ອອກຖະແຫຼງການກ່ຽວກັບສະຖານະການຢູ່ພາກພື້ນ.

   ທ່ານຄານານີກ່າວວ່າ: ຍ້ອນໄດ້ຮັບການສະໜັບສະໜູນຈາກປະເທດຕາເວັນຕົກ, ເຮັດໃຫ້ອິດສະຣາແອນກໍ່ໂທດກຳຕ່າງໆຂຶ້ນມາ ເຊັ່ນ: ດັບສູນເຊື້ອຊາດແລະກໍ່ສົງຄາມເປັນຕົ້ນ. ໃນເວລາທີ່ສະພາບມະນຸດສະທຳຢູ່ເຂດກາຊາຊຸດໂຊມລົງຢ່າງຕໍ່ເນື່ອງ, ແຕ່ສິ່ງທີ່ເປັນຕາງຶດງໍ້ທີ່ສຸດນັ້ນກໍຄື: ປະເທດຕາເວັນຕົກ ລວມທັງເຢຍລະມັນ, ຝຣັ່ງແລະອັງກິດເປັນຕົ້ນ ບໍ່ໄດ້ນຳໃຊ້ມາດຕະການທີ່ມີປະສິດທິຜົນຕົວຈິງ ເພື່ອສະກັດກັ້ນການກະທຳຜິດຂອງອິດສະຣາແອນ, ແຕ່ຊ້ຳພັດຮຽກຮ້ອງໃຫ້ອີຣານຢ່າຊູ່ດຳເນີນການເຄື່ອນໄຫວທີ່ເປັນການຂົ່ມຂູ່ຕໍ່ອິດສະຣາແອນທີ່ໄດ້ລ່ວງລ້ຳອະທິປະໄຕຂອງຊາດແລະຜືນແຜ່ນດິນອັນຄົບຖ້ວນຂອງອີຣານ. ການຮຽກຮ້ອງແບບນີ້ແມ່ນຂາດຄວາມຖືກຕ້ອງດ້ານການເມືອງ, ລະເມີດກັບລະບຽບກົດໝາຍສາກົນ, ເປັນການຮຽກຮ້ອງທີ່ໄຮ້ເຫດຜົນເກີນໄປ.

   ທ່ານຄານານີ້ຊີ້ອອກຕື່ມວ່າ: ປະເທດຕາເວັນຕົກສະໜັບສະໜູນອິດສະຣາແອນໃນດ້ານການເມືອງແລະການທະຫານຢ່າງກວ້າງຂວາງນັ້ນ ເປັນສາເຫດຕົ້ນຕໍທີ່ເຮັດໃຫ້ວິກິດການຢູ່ພາກພື້ນແຜ່ລາມອອກ.