ວັນທີ 14 ສິງຫານີ້, ທ່ານຟຸມິໂອະ ຄິຊິດະ ນາຍົກລັດຖະມົນຕີຍີ່ປຸ່ນກ່າວວ່າ, ທ່ານຈະບໍ່ເຂົ້າຮ່ວມການເລືອກຕັ້ງປະທານພັກເສລີປະຊາທິປະໄຕທີ່ຈະຈັດຂຶ້ນໃນເດືອນກັນຍາໜ້ານີ້, ນີ້ໝາຍຄວາມວ່າ:ຫຼັງຈາກເລືອກຕັ້ງປະທານພັກເສລີປະຊາທິປະໄຕແລ້ວ, ທ່ານຟຸມິໂອະຄິຊິດະຈະລາອອກຈາກຕຳແໜ່ງນາຍົກລັດຖະມົນຕີຍີ່ປຸ່ນ.

ບຸກຄົນຜູ້ສັນທັດກໍລະນີເປີດເຜີຍໃຫ້ຮູ້ວ່າ: ທ່ານຟຸມິໂອະ ຄິຊິດະຕັດສິນໃຈເລື່ອງດັ່ງກ່າວແມ່ນເປັນຍ້ອນວ່າ:ຕ້ອງມີຄົນແບກຫາບໜ້າທີ່ຮັບຜິດຊອບຕໍ່ເຫດການ “ການເມືອງເງິນມືດ” ຂອງພັກເສລີປະຊາທິປະໄຕ. ຜົນການສຳຫຼວດຄວາມຄິດເຫັນຕ່າງໆຂອງຍີ່ປຸ່ນສະແດງໃຫ້ເຫັນວ່າ: “ການເມືອງເງິນມືດ” ເຮັດໃຫ້ຄະແນນນິຍົມທີ່ມີຕໍ່ຄະນະລັດຖະບານຍີ່ປຸ່ນພາຍໃຕກ້ານນຳຂອງທ່ານຟຸມິໂອະ ຄິຊິດະຫຼຸດຕ່ຳລົງຢ່າງວ່ອງໄວ,ພ້ອມກັນນັ້ນ, ປະຊາຊົນຍີ່ປຸ່ນບໍ່ພໍໃຈຕໍ່ບັນຫາໄພເງິນເຟີ້ ແລະ ອັດຕາແລກປ່ຽນຂອງເງິນເຢນຫຼຸດລົງໃນຫວ່າງມໍ່ໆມານີ້, ສິ່ງນີ້ອາດຈະແມ່ນສາເຫດສຳຄັນອັນໜຶ່ງທີ່ເຮັດໃຫ້ທ່ານຟຸມິໂອະ ຄິຊິດະຕັດສິນໃຈບໍ່ເຂົ້າຮ່ວມການເລືອກຕັ້ງປະທານພັກເສລີປະຊາທິປະໄຕໃນຄັ້ງນີ້.