ວັນທີ 13 ສິງຫານີ້, ກະຊວງປ້ອງກັນປະເທດອາເມຣິກາປະກາດວ່າ, ລັດຖະບານອາເມຣິກາໄດ້ອະນຸມັດແຜນການຮອບໃໝ່ທີ່ຂາຍອາວຸດເຊິ່ງມີມູນຄ່າຫຼາຍກວ່າ 20 ຕື້ໂດລາໃຫ້ອິດສະຣາແອນ,ໃນນັ້ນລວມທັງຍຸດໂທປະກອນທີ່ທັນສະໄໝຕ່າງໆ ເຊັ່ນ: ຍົນສູ້ຣົບ ແລະ ລູກສອນໄຟຈຳນວນຫຼາຍ.

    ອາເມຣິກາໃຫ້ຮູ້ວ່າ:ເປົ້າໝາຍຂອງອາເມຣິກາແມ່ນເພື່ອຜ່ອນຄາຍສະຖານະການເຄັ່ງຕຶງຢູ່ເຂດຕາເວັນອອກກາງ. ແຕ່ບຸກຄົນທີ່ຕິຕຽນຊີ້ອອກວ່າ,ການກະທຳຂອງອາເມຣິກາແບບນີ້ເປັນຄືການຖອກນ້ຳມັນເຂົ້າໃສ່ກອງໄຟ. ອາເມຣິກາບໍ່ພຽງແຕ່ບໍ່ໄດ້ຍຸດຕິການສະໜອງອາວຸດເພື່ອຊຸກຍູ້ໃຫ້ຈັດການເຈລະຈາເພື່ອຢຸດຍິງໂດຍໄວເທົ່ານັ້ນ, ຫາກຍັງໄດ້ສືບຕໍ່ຂາຍອາວຸດຂະໜາດໃຫຍ່ທີ່ຈະເຮັດໃຫ້ການປະທະກັນຍົກລະດັບຂຶ້ນຕື່ມອີກ. ການທີ່ອາເມຣິກາອະນຸມັດຂາຍອາວຸດຢ່າງຂະໜາດໃຫຍ່ຄືແນວນີ້,ຄວາມຈິງແລ້ວແມ່ນການມອບສິດໃຫ້ອິດສະຣາແອນ ສືບຕໍ່ໂຈມຕີເຂດກາຊາ ແລະ ເຮັດໃຫ້ການປະທະກັນແຜ່ລາມອອກໄປປະເທດອ້ອມຂ້າງ.