ຫວ່າງມໍ່ໆມານີ້, ນັກຂ່າວສະຖານີວິທະຍຸໂທລະພາບສູນກາງຈີນຫຼື CMG ໄດ້ເດີນທາງໄປຮອດເຊແຊວ, ເຊິ່ງເປັນປະເທດເກາະດອນທີ່ສວຍງາມໄດ້ຮັບສົມຍານາມວ່າ: “ໄຂ່ມຸກແຫ່ງມະຫາສະໝຸດອິນເດຍ”, ແລະໄດ້ສຳພາດທ່ານວາເວດ ຣາມກາລາວານ, ປະທານາທິບໍດີເຊແຊວຢູ່ທຳນຽບປະທານາທິບໍດີ.

ໃນໂອກາດໃຫ້ສຳພາດຕໍ່ນັກຂ່າວ CMG, ທ່ານວາເວດ ຣາມກາລາວານກ່າວວ່າ: ເຊແຊວ ແລະ ປະເທດຈີນມີສາຍພົວພັນກັນຢ່າງສະໜິດແໜ້ນ. ພວກຂ້າພະເຈົ້າຍິນດີຕ້ອນຮັບ “ກຳປັ່ນສັນຕິພາບ” ເດີນທາງມາບ່ອນນີ້, ໃຫ້ການຊ່ວຍເຫຼືອດ້ານການແພດແກ່ເຊແຊວ. “ກຳປັ່ນສັນຕິພາບ” ມີເຄື່ອງມືອຸປະກອນການແພດທີ່ທັນສະໄໝ, ໃຫຍ່ກວ່າໂຮງໝໍສຳຄັນທີ່ສຸດຂອງເຊແຊວ. ພວກຂ້າພະເຈົ້າຂອບໃຈນຳຈີນທີ່ສຸດທີ່ໃຫ້ບໍລິການດ້ານການແພດແກ່ພວກຂ້າພະເຈົ້າ. ທີ່ຈິງແລ້ວ, ໂດຍຜ່ານໂອກາດເທື່ອນີ້, ປະຊາຊົນເຊແຊວຈຳນວນຫຼາຍໄດ້ຮັບຄຳແນະນຳດ້ານການແພດຈາກແພດໝໍຈີນ, ໄດ້ຮັບການບົ່ງມະຕິພະຍາດ, ບາງຄົນຍັງໄດ້ຮັບການຜ່າຕັດ. ສະນັ້ນ, ພວກຂ້າພະເຈົ້າຍິນດີຕ້ອນຮັບ “ກຳປັ່ນສັນຕິພາບ” ເດີນທາງມາເຊແຊວອີກຄັ້ງໜຶ່ງພາຍຫຼັງກຳປັ່ນດັ່ງກ່າວກັບຄືນມາ. ຄືດັ່ງທີ່ທ່ານເວົ້າມານັ້ນ, ໂຮງໝໍສຳຄັນຂອງເຊແຊວໄດ້ຮ່ວມມືກັບຊ່ຽວຊານດ້ານການແພດຈີນມາໂດຍຕະຫຼອດ, ແລະໄດ້ຮ່ວມມືເປັນໄລຍະຫຼາຍປີມາແລ້ວ. ພວກຂ້າພະເຈົ້າຫວັງຢ່າງຍິງວ່າການຮ່ວມມືອັນດີງາມລະຫວ່າງສອງປະເທດຈະສາມາດສືບຕໍ່ໄປອີກ.