ວັນທີ 15 ສິງຫານີ້, ການເຈລະຈາເພື່ອຢຸດຍິງຢູ່ເຂດກາຊາຮອບໃໝ່ໄດ້ຈັດຂຶ້ນຢູ່ນະຄອນຫຼວງໂດຮາຂອງກາຕາ. ຜູ້ຕາງໜ້າ 4 ຝ່າຍ ຄື:ກາຕາ, ເອຢິບ, ອາເມຣິກາ ແລະ ອິດສະຣາແອນໄດ້ເຂົ້າຮ່ວມການເຈລະຈາກເທື່ອນີ້, ສ່ວນອົງການຮາມາສ໌ບໍ່ໄດ້ເຂົ້າຮ່ວມການເຈລະຈາທີ່ຈັດຂຶ້ນໃນມື້ດຽວກັນ ຍ້ອນບໍ່ໝັ້ນໃຈຕໍ່ຄວາມສາມາດໄກ່ເກ່ຍຂອງອາເມຣິກາ.

    ຫວ່າງມໍ່ໆມານີ້, ອົງການຮາມາສ໌ໄດ້ອອກຖະແຫຼງການ ຮຽກຮ້ອງໃຫ້ຝ່າຍຕ່າງໆທີ່ຊ່ວຍໄກ່ເກ່ຍຈັດວາງແຜນການໂດຍອີງຕາມສັນຍາເພື່ອຢຸດຍິງຢູ່ເຂດກາຊາສະບັບຮ່າງທີ່ອົງການຮາມາສ໌ໄດ້ເຫັນດີໃນວັນທີ 2ກໍລະກົດແລ້ວນີ້, ພ້ອມທັງບັງຄັບໃຫ້ອິດສະຣາແອນປະຕິບັດຕາມແຜນການ,ຫາກບໍ່ແມ່ນຈັດການເຈລະຈາຫຼາຍຮອບ ຫຼື ສະເໜີແຜນການສະບັບໃໝ່ອອກມາອີກ.ເນື້ອໃນຖະແຫຼງການຂຽນວ່າ: ອົງການຮາມາສ໌ໄດ້ສະແດງອອກຄວາມຄ່ອງແຄ້ວໃນຂະບວນການເຈລະຈາອອກມາແລ້ວ,ແຕ່ອິດສະຣາແອນໄດ້ເປີດກວ້າງການເຄື່ອນໄຫວຫາການທະຫານຢູ່ເຂດກາຊາຢ່າງຕໍ່ເນື່ອງ ແລະ ລອບສັງຫານທ່ານອິສເມວ ຮານີເຢ ຜູ້ນຳຝ່າຍການເມືອງຂອງອົງການຮາມາສ໌, ການກະທຳຕ່າງໆເຫົຼ່ານີ້ໄດ້ສະແດງໃຫ້ເຫັນວ່າ: ອິດສະຣາແອນບໍ່ສະແຫວງຫາການສົງນາມໃນສັນຍາຢຸດຍິງຢ່າງແທ້ຈິງ.