ຂ່າວສານແຫ່ງຊາດລີບັງລາຍງານວ່າ: ວັນທີ 17 ສິງຫານີ້, ເຈົ້າໜ້າທີ່ກະຊວງສາທາລະນະສຸກລີບັງກ່າວວ່າ: ອິດສະຣາແອນໄດ້ໂຈມຕີພາກໃຕ້ລີບັງທາງອາກາດໃນຕອນເຊົ້າມືດມື້ດຽວກັນ, ເຮັດໃຫ້ 10 ຄົນເສຍຊີວິດ ແລະ 5 ຄົນໄດ້ຮັບບາດເຈັບ.

ເຈົ້າໜ້າທີ່ທະຫານອິດສະຣາແອນກ່າວວ່າ: ທະຫານອິດສະຣາແອນໄດ້ໂຈມຕີຄັງອາວຸດຂອງກຸ່ມປະກອບອາວຸດເຮສໂບລາຂອງລີບັງ.

ຂ່າວສານແຫ່ງຊາດລີບັງລາຍງານວ່າ: ວັນທີ 17 ສິງຫານີ້, ກອງທັບອິດສະຣາແອນໄດ້ໂຈມຕີຫຼາຍຄັ້ງຕໍ່ຕົວເມືອງຫຼາຍແຫ່ງຂອງລິບັງທີ່ຢູ່ເຂດຊາຍແດນລີບັງ-ອິດສະຣາແອນ. ໃນນັ້ນ, ຕອນເຊົ້າມືດມື້ດຽວກັນ, ອິດສະຣາແອນໄດ້ໂຈມຕີອາຄານຫຼັງໜຶ່ງທີ່ຢູ່ພາກໃຕ້ລີບັງ, ເຮັດໃຫ້ມີຜູ້ເສຍຊີວິດ 10 ຄົນ ແລະ ບາດເຈັບ5 ຄົນ. ຜູ້ເສຍຊີວິດລ້ວນແຕ່ແມ່ນສັນຊາດຊີຣີ. ກຸ່ມປະກອບອາວຸດເຮສໂບລາລີບັງກ່າວວ່າ: ພາຍຫຼັງເຫດການໂຈມຕີເກີດຂຶ້ນແລ້ວ, ຕົນກໍໄດ້ຍິງລູກສອນໄຟຕ່າວໂຈມຕີພາກເໜືອອິດສະຣາແອນ.