ວັນທີ 17 ກໍລະກົດນີ້, ກະຊວງສາທາລະນະສຸກຊູດັງແຈ້ງໃຫ້ຮູ້ວ່າ: ໂລກອະຫິວາກຳລັງແຜ່ລະບາດຢ່າງເປັນຂະໜາດໃຫຍ່ຢູ່ໃນປະເທດຕົນ.

ທ່ານໄຮຊາມ ອີບຣາຮິມ ລັດຖະມົນຕີກະຊວງສາທາລະນະສຸກຊູດັງໄດ້ອອກຖະແຫຼງການໃນມື້ດຽວກັນວ່າ: ຫ້ອງທົດລອງຂອງກະຊວງສາທາລະນະສຸກຊູດັງໄດ້ດຳເນີນການກວດຫາເຊື້ອພະຍາດຕໍ່ຜູ້ທີ່ເກີດອາການຖອກທ້ອງກະທັນຫັນໃນໄລຍະມໍ່ໆມານີ້ ແລະ ຜົນການກວດກາສະແດງໃຫ້ເຫັນວ່າ: ຜູ້ເປັນຖອກທ້ອງເຫຼົ່ານີ້ໄດ້ຕິດເຊື້ອພະຍາດອະຫິວາ. ທ່ານໄຮຊາມ ອີບຣາຮິມກ່າວວ່າ: ປັດຈຸບັນ, ລັດຖະບານ ແລະ ລັດຕ່າງໆທີ່ໄດ້ຮັບຜົນກະທົບຂອງຊູດັງ ໄດ້ໃຊ້ມາດຕະການຮັບມືສຸກເສີນແລ້ວ.

ນັບມືຮອດປັດຈຸບັນ, ຊູດັງໄດ້ລານງານເກີດໂລກອະຫິວາຈຳນວນ 11.327 ກໍລະນີ, ໃນນັ້ນມີຜູ້ເສຍຊີວິດ 316 ຄົນ. ນອກນີ້, ຜູ້ເປັນພະຍາດໄຂ້ເລືອດອອກ ແລະ ເຍື່ອຫຸ້ມສະໝອງອັກເສບຢູ່ຊູດັງກໍໄດ້ເພີ່ມຂຶ້ນ. ອົງການອະນາໄມໂລກຄາດຄະເນວ່າ: ຈຳນວນຜູ້ຕິດພະຍາດ ແລະ ຜູ້ເສຍຊີວິດອາດຈະຫຼາຍກວ່ານີ້ອີກ.