ວັນທີ 19 ສິງຫານີ້, ທ່ານເສິນຈ້ຽນ ເອກອັກຄະລັດຖະທູດຫຼຸດກຳລັງຮົບຂອງຈີນໄດ້ເຂົ້າຮ່ວມກອງປະຊຸມປະເທດພາຄີຄັ້ງທີ 10 ຂອງ “ສົນທິສັນຍາຄ້າຂາຍອາວຸດ” ທີ່ຈັດຂຶ້ນຢູ່ນະຄອນເຊີແນວປະເທດສະວິດ.

ທ່ານເສິນຈ້ຽນກ່າວເນັ້ນວ່າ: ຈີນແມ່ນປະເທດສະໜັບສະໜູນທີ່ເດັດດ່ຽວ ແລະ ປະຕິບັດດ້ວຍຄວາມຈິງໃຈຕໍ່ “ສົນທິສັນຍາຄ້າຂາຍອາວຸດ” ຢ່າງສະເໝີຕົ້ນສະເໝີປາຍ ພ້ອມທັງເປັນປະເທດທີ່ໄດ້ປະກອບສ່ວນຢ່າງຕັ້ງໜ້າຕໍ່ການບໍລິຫານການຄ້າອາວຸດໃນຂອບເຂດທົ່ວໂລກ. ໃນບັນຫາການຄ້າຂາຍອາວຸດ, ຈີນມີທ່າທີສຸຂຸມຮອບຄອບ ແລະ ມີນ້ຳໃຈຮັບຜິດຊອບຢ່າງສະເໝີຕົ້ນສະເໝີປາຍ, ໄດ້ສ້າງເປັນລະບົບນະໂຍບາຍ ແລະ ກົດໝາຍທີ່ສົມບູນ ກ່ຽວກັບການສົ່ງອອກຜະລິດຕະພັນທາງການທະຫານ ແລະ ໄດ້ປະຕິບັດຕາມ 3 ຫຼັກການສົ່ງອອກຜະລິດຕະພັນທາງການທະຫານຢ່າງເຂັ້ມງວດ. ຈີນຄັດຄ້ານຕໍ່ການສົ່ງອາວຸດໄປເຂດປະທະກັນ, ຄັດຄ້ານຫັນບັນຫາຄ້າຂາຍອາວຸດ ຫຼື ສົນທິສັນຍາສະບັບນີ້ເປັນບັນຫານການເມືອງ ແລະ ເປັນເຄື່ອງມື.

“ສົນທິສັນຍາຄ້າຂາຍອາວຸດ” ແມ່ນເອກະສານດ້ານກົດໝາຍສາກົນພຽງໜຶ່ງດຽວໃນຂົງເຂດການຄ້າອາວຸດ ພາຍໃຕ້ຂອບອົງການສະຫະປະຊາຊາດ, ເລີ່ມມີຜົນບັງຄັບໃຊ້ແຕ່ເດືອນທັນວາປີ 2014 ແລະ ປີນີ້ແມ່ນຄົບຮອບ 10 ປີຂອງການບັງຄັບໃຊ້.