ວັນທີ 19 ສິງຫານີ້, ທ່ານອັນໂຕນີ ບຣິນເຄນ ລັດຖະມົນຕີກະຊວງການຕ່າງປະເທດອາເມຣິກາໄດ້ພົບປະກັບທ່ານເບັນຈາມິນ ເນຕັນຢາຮູ ນາຍົກລັດຖະມົນຕີອິດສະຣາແອນ, ຈາກນັ້ນ, ທ່ານບຣິນເຄນໄດ້ປະກາດວ່າ ອິດສະຣາແອນໄດ້ຮັບເອົາຂໍ້ສະເໜີຂ້າມຜ່ານສະບັບໜຶ່ງກ່ຽວກັບການຢຸດຍິງຢູ່ເຂດກາຊາ ແລະ ປ່ອຍຕົວປະກັນ, ພ້ອມທັງຮຽກຮ້ອງໃຫ້ກຸ່ມຮາມາສໃຫ້ຄຳຕອບທີ່ຄືກັນ. ຫຼັງຈາກນັ້ນ, ທ່ານເນຕັນຢາຮູໄດ້ອອກຖະແຫຼງການວ່າ: ເປົ້າໝາຍຂອງອິດສະຣາແອນແມ່ນ “ເຮັດໃຫ້ຕົວປະກັນໄດ້ຮັບການປ່ອຍຕົວເປັນຈຳນວນຫຼາຍເທົ່າທີ່ຈະຫຼາຍໄດ້”.

ວັນທີ 19 ສິງຫານີ້, ຫ້ອງການຖະແຫຼງຂ່າວຂອງກຸ່ມຮາມາສໄດ້ອອກຖະແຫຼງການວ່າ, ສິ່ງນີ້ເປັນກົນອຸບາຍຂອງອາເມຣິກາ, ໂດຍໄດ້ປັບປຸງສັນຍາຢຸດຍິງໃຫ້ມີຜົນດີຕໍ່ອິດສະຣາແອນ, ມີເຈຕະນາຍ້າຍຄວາມກົດດັນອອກຈາກຝ່າຍອິດສະຣາແອນດ້ວຍຂໍ້ອ້າງທີ່ວ່າ ອິດສະຣາແອນຮັບເອົາ ແລະ ຄອຍຖ້າການເຫັນດີຈາກກຸ່ມຮາມາສ ເພື່ອເຮັດໃຫ້ກຸ່ມຮາມາສແບກຫາບຄວາມຮັບຜິດຊອບທີ່ການເຈລະຈາປະສົບຄວາມຫຼົມແຫຼວ.