ວັນທີ 20 ສິງຫານີ້ ຕາມຂ່າວແຈ້ງວ່າ, ໜ່ວຍງານສືບຄວາມລັບຂອງອາເມຣິກາ ຫຼື USSS ພວມສືບສວນກໍລະນີ ຢູ່ແຫ່ງຕ່າງໆຂອງເທດສະບານນະຄອນຊີຄາໂກ ເຊິ່ງເປັນສະຖານທີ່ຈັດກອງປະຊຸມຜູ້ແທນທົ່ວປະເທດພັກເດໂມແຄຣດໄດ້ຮັບການຂົ່ມຂູ່ວາງລະເບີດໃນມື້ດຽວກັນ. ພາກສ່ວນປະຕິບັດກົດໝາຍພວມກວດກາສະຖານທີ່ທີ່ໄດ້ຮັບຜົນກະທົບ ແລະ ຄວາມໜ້າເຊື່ອຖືຂອງການຂົ່ມຂູ່ຄັ້ງນີ້.

ຕາມຂ່າວແຈ້ງໃຫ້ຮູ້ວ່າ, ໂຮງແຮມ 4 ແຫ່ງຢູ່ເທດສະບານນະຄອນຊີຄາໂກທີ່ເປັນບ່ອນຈັດກອງປະຊຸມຜູ້ແທນທົ່ວປະເທດພັກເດໂມແຄຣດອາເມຣິກາໄດ້ຮັບໂທລະສັບໂດຍຂູ່ວ່າມີລະເບີດ.

ເວລາ 18 ໂມງຂອງວັນທີ 19 ສິງຫານີ້, ກອງປະຊຸມຜູ້ແທນທົ່ວປະເທດພັກເດໂມແຄຣດອາເມຣິກາໄດ້ຈັດຂຶ້ນຢູ່ນະຄອນຊີຄາໂກລັດອີວລີນອຍ. ກອງປະຊຸມຄັ້ງນີ້ຈະດຳເນີນໄປເປັນເວລາ 4 ວັນ ໂດຍຈະສິ້ນສຸດລົງໃນວັນທີ 22 ສິງຫານີ້.