ວັນທີ 20 ສິງຫານີ້, ໂຄສົກກະຊວງການຄ້າຈີນໄດ້ຕອບຄຳຖາມຂອງນັກຂ່າວ ກ່ຽວກັບສະຫະພາບເອີຣົບເປີດເຜີຍຜົນການຕັດສິນສຸດທ້າຍ ກ່ຽວກັບການສຳຫຼວດກໍລະນີຕ້ານການເກື້ອກູນຕໍ່ລົດໃຊ້ພະລັງງານໄຟຟ້າຂອງຈີນ.

ມີນັກຂ່າວຖາມວ່າ: ຄະນະກຳອາທິການສະຫະພາບເອີຣົບໄດ້ເປີດເຜີຍຜົນການຕັດສິນໃນຂອດສຸດທ້າຍຕໍ່ການສຳຫຼວດກໍລະນີຕ້ານການເກື້ອກູນຕໍ່ລົດໃຊ້ພະລັງງານໄຟຟ້າຂອງຈີນ, ຂໍຖາມວ່າຝ່າຍຈີນມີຄວາມເຫັນແນວໃດຕໍ່ເລື່ອງນີ້?

ໂຄສົກທ່ານນີ້ຕອບວ່າ: ຝ່າຍຈີນໄດ້ໃຫ້ເຫັນຫຼາຍເທື່ອແລ້ວວ່າ, ສະຫະພາບເອີຣົບໄດ້ຕັ້ງຂໍ້ສະຫຼຸບໄວ້ກ່ອນແລ້ວຈິ່ງເລີ່ມສຳຫຼວດການຕ້ານການເກື້ອກູນຕໍ່ລົດໃຊ້ພະລັງງານໄຟຟ້າຂອງຈີນ, ການກະທຳໃນຂັ້ນຕອນຕ່າງໆລ້ວນແຕ່ຝືນກັບຫຼັກການ “ພາວະວິໄສ, ຍຸຕິທຳ, ບໍ່ມີການຈຳແນກ ແລະ ໂປ່ງໃສ” ຂອງສະຫະພາບເອີຣົບ. ຜົນການຕັດສິນສຸດທ້າຍຈາກສະຫະພາບເອີຣົບໃນຄັ້ງນີ້ບໍ່ໄດ້ເປີດຮັບເອົາຄວາມເຫັນຈາກຝ່າຍຈີນຢ່າງເຕັມທີ່, ຍັງຍຶດໝັ້ນການກະທຳທີ່ຜິດພາດ, ໄດ້ຕັດສິນອັດຕາພາສີສູງ, ຍັງບິດເບືອນຜົນການສຳຫຼວດຕໍ່ວິສາຫະກິດປະເພດຕ່າງໆຂອງຈີນ ໂດຍນຳໃຊ້ມາດຕະການສຳຫຼວດແບບຊຸມຕົວຢ່າງ. ຜົນການຕັດສິນສຸດທ້າຍຄັ້ງນີ້ແມ່ນໄດ້ມາຈາກ “ຄວາມຈິງ” ທີ່ກຳນົດໂດຍສະຫະພາບເອີຣົບພຽງຝ່າຍດຽວ, ຫາກບໍ່ແມ່ນຄວາມຈິງທີ່ສອງຝ່າຍຮັບຮອງຮ່ວມກັນ, ຈີນສະແດງຄວາມຄັດຄ້ານຢ່າງເດັດດ່ຽວ ແລະ ຕິດຕາມດ້ວຍຄວາມເອົາໃຈໃສ່ເປັນຢ່າງສູງຕໍ່ເລື່ອງນີ້. ຈີນຈະປະຕິບັດມາດຕະການທີ່ຈຳເປັນທຸກປະການ ເພື່ອປົກປ້ອງສິດ ແລະ ຜົນປະໂຫຍດອັນຊອບທຳຂອງວິສາຫະກິດຈີນຢ່າງເດັດດ່ຽວ.