ຫຼາຍມື້ກ່ອນ, ກອງທັບອິດສະຣາແອນໄດ້ອອກຄຳສັ່ງໃຫ້ອົບພະຍົບສະບັບໃໝ່ ໂດຍຮຽກຮ້ອງໃຫ້ປະຊາຊົນປາເລັດສະຕິນທີ່ຢູ່ເຂດເດີຍຣ ອານ-ບາລາ ຂອງເຂດກາຊາຕ້ອງອົບພະຍົບອອກໄປຈາກເຂດດັ່ງກ່າວ. ວັນທີ 20 ສິງຫານີ້, ຫ້ອງການປະສານງານວຽກງານມະນຸດສະທຳອົງການສະຫະປະຊາຊາດກ່າວວ່າ: ກອງທັບອິດສະຣາແອນໄດ້ຮຽກຮ້ອງໂດຍທວງເທື່ອແລ້ວເທື່ອອີກໃຫ້ປະຊາຊົນທີ່ອາໄສຢູ່ເຂດຕ່າງກັນຂອງເຂດກາຊາຍ້າຍອອກຈາກໄປ ແຕ່ວ່າເນື້ອທີ່ຂອງອັນທີ່ເອີ້ນວ່າ “ເຂດຄວາມປອດໄພດ້ານມະນຸດສະທຳ” ທີ່ເຂົາຂີດແບ່ງນັ້ນ ພັດແຄບເຂົ້າເລື້ອຍໆ, ປັດຈຸບັນຍັງເຫຼືອພຽງປະມານ 11% ຂອງເຂດກາຊາ, ປະຊາຊົນເຂດກາຊາຈຳນວນຫຼວງຫຼາຍຕ້ອງຊັດເຊພະເນຈອນເພື່ອໃຫ້ລອດຊີວິດ ພາຍໃຕ້ການໂຈມຕີທາງອາກາດ ແລະ ລູກປືນໃຫຍ່ນ້ອຍຈາກກອງທັບອິດສະຣາແອນ.