ວັນທີ 21 ສິງຫາແມ່ນວັນສາກົນເພື່ອລະນຶກແລະໄວ້ອາໄລຕໍ່ຜູ້ຖືກເຄາະຮ້າຍຍ້ອນລັດທິກໍ່ການຮ້າຍ. ອົງການສະຫະປະຊາຊາດໄດ້ຈັດພິທີລະນຶກໃນມື້ດຽວກັນ ເພື່ອສະແດງຄວາມເຄົາລົບນັບຖືຕໍ່ຜູ້ຖືກເຄາະຮ້າຍ ແລະ ຜູ້ລອດຊີວິດ ຈາກລັດທິກໍ່ການຮ້າຍ ແລະ ກ່າວເຕືອນຄົນທັງຫຼາຍວ່າ: “ລັດທິກໍ່ການຮ້າຍຈະບໍ່ສາມາດຄົງຕົວຢູ່ໄດ້ໃນໂລກນີ້.”

ມື້ດຽວກັນ, ທ່ານອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດກ່າວວ່າ: ຈຸດປະສົງໃນການຈັດກິດຈະກຳທີ່ກ່ຽວຂ້ອງໃນວັນສາກົນເພື່ອລະນຶກແລະໄວ້ອາໄລຕໍ່ຜູ້ຖືກເຄາະຮ້າຍ ແມ່ນເພື່ອຮຽກຮ້ອງໃຫ້ຄົນທັງຫຼາຍໄປຮັບຟັງ ແລະ ຖອດຖອນບົດຮຽນໃນການຕ້ານລັດທິກໍ່ການຮ້າຍ ພ້ອມທັງຕັກເຕືອນໃຫ້ຄົນທັງຫຼາຍ “ຕ້ອງຄົ້ນຫາແສງສະຫວ່າງແຫ່ງຄວາມຫວັງຢ່າງສະເໝີຕົ້ນສະເໝີປາຍ”.

ປີ 2017, ອົງການສະຫະປະຊາຊາດໄດ້ຜ່ານມະຕິ ໂດຍໄດ້ກຳນົດເອົາວັນທີ 21 ສິງຫາຂອງທຸກປີໆເປັນວັນສາກົນເພື່ອລະນຶກແລະໄວ້ອາໄລຕໍ່ຜູ້ຖືກເຄາະຮ້າຍ.