ໂຄສົກກະຊວງການຄ້າຈີນກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 22 ສິງຫານີ້ວ່າ: ໃນຊຸມປີຜ່ານມາ, ມູນຄ່າການຄ້າລະຫວ່າງຈີນ-ຫວຽດນາມໄດ້ພັດທະນາຢ່າງວ່ອງໄວ, ຈີນເປັນຄູ່ການຄ້າໃຫຍ່ອັນດັບທີ 1 ຂອງຫວຽດນາມ, ຍອດມູນຄ່າການຄ້າຈີນ-ຫວຽດນາມມີຫຼາຍກວ່າ 200 ຕື້ໂດລາເປັນເວລາ 3 ປີລຽນຕິດ.

ໂຄສົກທ່ານນີ້ກ່າວຕື່ມວ່າ: ຈີນຍັງເປັນຕະຫຼາດສົ່ງອອກໃຫຍ່ອັນດັບທີ 1 ສຳລັບຜະລິດຕະພັນກະສິກຳຂອງຫວຽດນາມ, ໝາກທຸລຽນ, ໝາກມັງກອນເປັນຕົ້ນຂອງຫວຽດນາມໄດ້ຮັບຄວາມນິຍົມຊົມຊອບຈາກຜູ້ບໍລິໂພກຈີນ, ຜະລິດຕະພັນກະສິກຳທີ່ຈີນນຳເຂົ້າຈາກຫວຽດນາມ ໄດ້ກວມປະມານ 20% ຂອງຍອດຈຳນວນຜະລິດຕະພັນກະສິກຳທີ່ຈີນນຳເຂົ້າຈາກບັນດາປະເທດໃນອາຊຽນ.