ວັນທີ 23 ສິງຫານີ້, ທ່ານໂຕນີ ເອສຕັນເກັດ ປະທານຄະນະກຳມະການຈັດງານກິລາໂອລິມປິກປາຣີໄດ້ສົ່ງສານໄປຍັງທ່ານເຊີ້ນໄຫສົງ ຜູ້ອຳນວຍການໃຫຍ່ວິທະຍຸໂທລະພາບສູນກາງຈີນ ຫຼື CMG ເພື່ອຊົມເຊີຍທີມງານ CMG ໄດ້ຖ່າຍທອດງານກິລາໂອລິມປິກປາຣີຢ່າງສຳເລັດຜົນ ພ້ອມທັງສະແດງຄວາມຂອບໃຈນຳ CMG ທີ່ໄດ້ໃຫ້ການສະໜັບສະໜູນຢ່າງແຂງແຮງຕໍ່ຄະນະກຳມະການຈັດ ງານກິລາໂອລິມປິກປາຣີ.

ເນື້ອໃນສານຂອງທ່ານໂຕນີ ເອສຕັນເກັດລະບຸວ່າ: ການສະໜັບສະໜູນຂອງ CMG ເປັນໄລຍະຍາວແມ່ນສາເຫດສຳຄັນທີ່ງານກິລາໂອລິມປິກປາຣີ 2024 ໄດ້ຈັດຂຶ້ນຢ່າງມິຜົນສຳເລັດ. ການຖ່າຍທອດງານໂອລິມປິກຂອງ CMG ຢ່າງສຳເລັດຜົນ ໄດ້ເຮັດໃຫ້ຜູ້ຊົມຈີນທັງຫຼາຍສາມາດມີສ່ວນຮ່ວມເຂົ້າໃນງານກິລາໂອລິມປິກປາຣີ ແລະ ໄດ້ດຶງດູດຄົນທັງຫຼາຍຢູ່ໃນທົ່ວໂລກໃຫ້ຄວາມສົນໃຈຕໍ່ງານມະຫະກຳກິລາຄັ້ງນີ້.

ເນື້ອໃນສານຂອງທ່ານໂຕນີ ເອສຕັນເກັດລະບຸຕື່ມວ່າ: ທ່ານຮູ້ສຶກໜ້າງຶດງໍ້ຫຼາຍຕໍ່ກຳລັງໂຄສະນາເຜີຍແຜ່ທີ່ເຂັ້ມແຂງຂອງເວທີສັບພະສື່ CMG, ພ້ອມທັງຄອງຄອຍງານກິລາໂອລິມປິກຄົນພິການທີ່ຈະຈັດຂຶ້ນຢູ່ປາຣີໃນໄວໆນີ້ ເຊິ່ງຈະສາມາດສະແດງໃຫ້ເຫັນເຖິງມົນສະເໜ່ທີ່ມະຫັດສະຈັນຂອງງານກິລາໂອລິມປິກ.