ວັນທີ 23 ສິງຫານີ້, ລັດຖະບານໄລຍະຂ້າມຜ່ານຂອງມາລີໄດ້ອອກຖະແຫຼງການວ່າ: ຍ້ອນມີຝົນຕົກໜັກຫຼາຍມື້ລຽນຕິດພາໃຫ້ເກີດໄພນ້ຳຖ້ວມ, ມາລີເຂົ້າສູ່ພາວະໄພພິບັດແຫ່ງຊາດນັບແຕ່ວັນທີ 23 ສິງຫານີ້ເປັນຕົ້ນໄປ.

ຖະແຫຼງການຂຽນວ່າ: ນັບແຕ່ໄດ້ເຂົ້າສູ່ລະດູຝົນໃນເດືອນມິຖຸນາປີນີ້ເປັນຕົ້ນມາ, ມາລີມີ 7.000 ກວ່າຄອບຄົວ, ເກືອບ 5 ໝື່ນຄົນໄດ້ຮັບຜົນກະທົບຈາກໄພນ້ຳຖ້ວມ, ມີ 30 ຄົນເສຍຊີວິດ. ລັດຖະບານຈະສະໜອງ 4 ຕື້ຝຣັ່ງອາຟຼິກາຕາເວັນຕົກ(ເທົ່າກັບປະມານ 6.800.000ໂດລາ) ເພື່ອເພີ່ມທະວີປະລິມານສຳຮອງສະບຽງອາຫານແຫ່ງຊາດໃຫ້ຢູ່ໃນລະດັບທີ່ປອດໄພ, ພ້ອມທັງສະໜອງການຊ່ວຍເຫຼືອໃຫ້ແກ່ຄອບຄົວປະສົບໄພ.