ວັນທີ 24 ສິງຫານີ້, ກົມການບິນອະວະກາດອາເມຣິກາປະກາດວ່າ: ຕົກລົງໃຫ້ນັກບິນອະວະກາດອາເມຣິກາສອງຄົນທີ່ຄ້າງຢູ່ໃນສະຖານີອະວະກາດສາກົນປ່ຽນຂີ່ຍານອະວະກາດ“ມັງກອນ”ຂອງບໍລິສັດເຕັກນິກສຳຫຼວດອະວະກາດອາເມຣິກາກັບຄືນໂລກໃນເດືອນກຸມພາປີ 2025, ສ່ວນຍານອະວະກາດທີ່ມີຊື່ວ່າ“ຍົນໂດຍສານອະວະກາດ”ຂອງບໍລິສັດໂບອິງທີ່ບັນທຸກເຂົາເຈົ້າໄປອະວະກາດນັ້ນ, ຄາດວ່າຈະກັບຄືນສູ່ໂລກໂດຍບໍ່ບັນທຸກຄົນໃນຕົ້ນເດືອນກັນຍາປີນີ້.

     ກົມການບິນອະວະກາດອາເມຣິກາແຈ້ງໃຫ້ຮູ້ວ່າ: “ຍົນໂດຍສານອະວະກາດ”ກັບຄືນໂລກໂດຍບໍ່ບັນທຸກຄົນ, ສາມາດເຮັດໃຫ້ກົມການບິນອະວະກາດອາເມຣິກາແລະບໍລິສັດໂບອິງສືບຕໍ່ເກັບກຳຂໍ້ມູນການທົດລອງທີ່ກ່ຽວຂ້ອງໃນເວລາຍານອະວະກາດດັ່ງກ່າວກັບຄືນໂລກ, ພ້ອມກັນນັ້ນ, ກໍແມ່ນເພື່ອຫຼີກເວັ້ນບໍ່ໃຫ້ນັກບິນອະວະກາດແບກຫາບຄວາມສ່ຽງທີ່ເກີນຂອບເຂດແລະບໍ່ຈຳເປັນ.