ວັນທີ 24 ສິງຫານີ້, ຣັດເຊຍກັບອູແກຣນໄດ້ແລກຊະເລີຍເສິກ, ສອງຝ່າຍຕ່າງໄດ້ມອບຊະເລີຍເສິກ 115 ຄົນໃຫ້ຝ່າຍກົງກັນຂ້າມ.

     ວັນທີ 24 ສິງຫານີ້, ກະຊວງປ້ອງກັນປະເທດຣັດເຊຍໄດ້ຖະແຫຼງຜ່ານທາງສື່ສັງຄົມອອນລາຍວ່າ: ຜ່ານການເຈລະຈາ, ຝ່າຍອູແກຣນໄດ້ມອບຊະເລີຍເສິກຣັດເຊຍທີ່ຖືກຈັບຢູ່ເຂດຄູສກ໌ຂອງຣັດເຊຍໃຫ້ຝ່າຍຣັດເຊຍຈຳນວນ 115 ຄົນ. ປັດຈຸບັນ, ຊະເລີຍເສິກເຫຼົ່ານີ້ກຳລັງຮັບການປິ່ນປົວທີ່ຈຳເປັນແລະການຊ່ວຍເຫຼືອດ້ານຈິດໃຈຢູ່ເບລາຣຸດຊີ, ຫຼັງຈາກນັ້ນຈະຖືກສົ່ງກັບຄືນຣັດເຊຍ. ກະຊວງປ້ອງກັນປະເທດຣັດເຊຍແຈ້ງໃຫ້ຮູ້ວ່າ: ການເຄື່ອນໄຫວແລກປ່ຽນຊະເລີຍເສິກໃນວັນທີ 24 ສິງຫານີ້ແມ່ນດຳເນີນໄປພາຍໃຕ້ການໄກ່ເກ່ຍທາງມະນຸດສະທຳຂອງເອເມຣັດ ອາຣັບ. ທ່ານໂວໂລດີເມຍ ເຊເລນສະກີ ປະທານາທິບໍດີອູແກຣນກ່າວຜ່ານທາງສື່ສັງຄົມອອນລາຍວ່າ: ຝ່າຍຣັດເຊຍໄດ້ມອບຊະເລີຍເສິກ 115 ຄົນໃຫ້ຝ່າຍອູແກຣນໃນມື້ດຽວກັນ.