ສື່ມວນຊົນຝຣັ່ງລາຍງານວ່າ, ຕອນຄຳວັນທີ 24 ສິງຫານີ້, ທ່ານປາແວນ ດູຣົຟ ຜູ້ສ້າງຕັ້ງສື່ສັງຄົມອອນລາຍ “Telegram” ຖືກຈັບຢູ່ຝຣັ່ງ, ຄາດວ່າຈະຂຶ້ນສານໃນວັນທີ 25 ສິງຫານີ້. ທ່ານດູຣົຟອາດຈະຖືກກ່າວຟ້ອງດ້ວຍຂໍ້ຫາ “ກໍ່ການຮ້າຍ, ຄ້າຂາຍຢາເສບຕິດ, ສໍ້ໂກງ, ຟອກເງິນ ແລະ ອື່ນໆ”.

ທ່ານດູຣົຟເກີດຢູ່ນະຄອນແຊັງປີເຕີສະບວກຂອງຣັດເຊຍເມື່ອປີ 1984, ແລະຖືສັນຊາດຂອງຫຼາຍປະເທດເຊັ່ນ: ຣັດເຊຍ, ຝຣັ່ງ, ສະຫະລັດອາຣັບເອເມເຣດ ແລະອື່ນໆ. ສື່ສັງຄົມອອນລາຍ “Telegram” ປັດຈຸບັນມີຜູ້ຊົມໃຊ້ປະມານ 900 ລ້ານຄົນ, ແມ່ນໜຶ່ງໃນສື່ສັງຄົມອອນລາຍທີ່ສຳຄັນຂອງເຂດໃຊ້ພາສາຣັດເຊຍ. ພາຍຫຼັງເກີດເຫດການດັ່ງແຈ້ງໃຫ້ຮູ້ແລ້ວ, ກະຊວງການຕ່າງປະເທດຣັດເຊຍກ່າວວ່າ, ສະຖານທູດຣັດເຊຍປະຈຳຝຣັ່ງໄດ້ປະຕິບັດມາດຕະການທີ່ຈຳເປັນ, ເພື່ອຊອກຮູ້ສະພາບການທີ່ກ່ຽວຂ້ອງ. ແຕ່ຝຣັ່ງປະຕິເສດແລກປ່ຽນຂໍ້ມູນກັບຣັດເຊຍກ່ຽວກັບເລື່ອງດັ່ງກ່າວ.