ວັນທີ 26 ສິງຫານີ້, ກອງປະຊຸມຜູ້ນໍາເວທີເປິກສາຫາລືປະເທດເກາະດອນນ້ອຍມະຫາສະໝຸດປາຊິຟິກຄັ້ງທີ 53 ໄດ້ໄຂຂຶ້ນຢູ່ນະຄອນຫຼວງນູຄູອາໂລຟາຂອງຕົງກາ. ກອງປະຊຸມຈະດໍາເນີນໃນລະຫວ່າງວັນທີ 26-30 ສິງຫານີ້. ວິໄສທັດຂອງກອງປະຊຸມຄັ້ງນີ້ແມ່ນ: ຊຸກຍູ້ການພິຈາລະຈາ ແລະ ຈັດຕັ້ງປະຕິບັດນະໂຍບາຍທີ່ມີເນື້ອໃນກ່ຽວພັນເຖິງການຮ່ວມມືໃນຫຼາຍຂົງເຂດທີ່ນອນຢູ່ໃນ “ຍຸດທະສາດມະຫາສະໝຸດປາຊິຟິກສີຟ້າ 2050” ໂດຍຜ່ານການປະສານງານຮ່ວມມືໃນບັນຫາທີ່ປະເທດສະມາຊິກສົນໃຈຮ່ວມກັນ.

   ໂດຍທົ່ວໄປແລ້ວ, ກອງປະຊຸມຜູ້ນໍາເວທີເປິກສາຫາລືປະເທດເກາະດອນນ້ອຍມະຫາສະໝຸດປາຊິຟິກຈະຖືກຈັດຂຶ້ນປີລະເທື່ອ, ກອງປະຊຸມຈະວາງມາດຕະການຮັບມືແບບລວມໝູ່ກ່ຽວກັບບັນຫາທີ່ມີລັັກສະນະພາກພື້ນ ເພື່ອບັນລຸວິໄສທັດສັນຕິພາບ, ຄວາມໝັ້ນຄົງ, ສັງຄົມກວມລວມ ແລະ ມີຄວາມຈະເລີນຮຸ່ງເຮືອງແບບຍືນຍົງຢູ່ພາກພື້ນມະຫາສະໝຸດປາຊິຟິກ.