ວັນທີ 26 ສິງຫານີ້, ຢູ່ກອງປະຊຸມໂຕະມົນບາງກອກຂອງເວທີເປິກສາຫາລືອາຊີໂປອາວ, ທ່ານບັນກີມຸນ ປະທານຄະນະກຳມະການເວທີເປິກສາຫາລືອາຊີໂປອາວປະກາດວ່າ: ກອງປະຊຸມປະຈຳປີ2025ຂອງເວທີເປິກສາຫາລືອາຊີໂປອາວ ຈະຈັດຂຶ້ນຢູ່ນະຄອນໂປອາວແຂວງໄຫຫຼຳຂອງຈີນລະຫວ່າງວັນທີ 25-28 ມີນາປີ 2025.

   ທ່ານບັນກີມຸນກ່າວຕື່ມວ່າ: ກອງປະຊຸມປະຈຳປີ2025 ຂອງເວທີເປິກສາຫາລືອາຊີໂປອາວຈະສຸມໃສ່ການພັດທະນາອາຊີ, ຂະນະດຽວກັນຍັງຈະໃຫ້ຄວາມສຳຄັນຕໍ່ບັນຫາສຳຄັນໃນທົ່ວໂລກຢ່າງໜັກແໜ້ນ, ຊຸກຍູ້ໃຫ້ປະຊາຄົມໂລກເພີ່ມທະວີຄວາມສາມັກຄີແລະຮ່ວມມືກັນ, ສະແຫວງຫາການພັດທະນາຮ່ວມກັນ, ສ້າງອະນາຄົດຮ່ວມກັນ.

   ກອງປະຊຸມໂຕະມົນບາງກອກຂອງເວທີເປິກສາຫາລືອາຊີໂປອາວມີຈຸດປະສົງເພື່ອໃຫ້ຄຳຕອບຕໍ່ກອງປະຊຸມສຸດຍອດແຫ່ງອະນາຄົດຂອງອົງການສະຫະປະຊາຊາດທີ່ຈະຈັດຂຶ້ນໃນເດືອນກັນຍາໜ້ານີ້, ຄົ້ນຫາແນວຄິດແລະແຜນການຮັບມືກັບສິ່ງທ້າທາຍຕ່າງໆໃນທົ່ວໂລກຈາກມູມມອງຂອງອາຊີ, ຊຸກຍູ້ໃຫ້ບັນດາປະເທດອາຊີຈັດຕັ້ງປະຕິບັດວາລະປະຊຸມແລະເປົ້າໝາຍການພັດທະນາແບບຍືນຍົງຮອດປີ2030ຂອງອົງການສະຫະປະຊາຊາດ.