ໃນຫຼາຍປີທີ່ຜ່ານມາ, ຮູບເງົາ Hollywood ຂອງອາເມຣິກາບໍ່ຄ່ອຍໄດ້ປະສົບຜົນສຳເລັດທີ່ດີໃນຕະຫຼາດຈີນ. ໃນປີ 2023, Hollywood ບໍ່ມີຮູບເງົາຈັກເລື່ອງເລີຍທີ່ເຂົ້າສູ່ບັນຊີລາຍຊື່ຮູບເງົາ 10 ອັນດັບຕົ້ນທີ່ໄດ້ຂາຍປີ້ເຂົ້າຊົມມູນຄ່າຫຼາຍກວ່າໝູ່ຢູ່ຈີນ. ຈົນຮອດທ້າຍເດືອນສິງຫາປີນີ້, ມີແຕ່ຮູບເງົາເລື່ອງ Godzilla vs. Kong 2 ທີ່ເປັນຮູບເງົາ Hollywood ໄດ້ຖືກຈັດເຂົ້າໃນບັນຊີລາຍຊື່ດັ່ງກ່າວ ເຊິ່ງຢູ່ອັນດັບທີ 8. ສ່ວນຮູບເງົາອື່ນໆຂອງ Hollywood ເຊັ່ນ Alien: Romulus ເປັນຕົ້ນ ຕ່າງກໍບໍ່ໄດ້ປະສົບຜົນສຳເລັດຕາມຄາດໝາຍ.

ສິ່ງທີ່ຕ້ອງຊີ້ອອກມາກໍຄື: ຕະຫຼາດຂອງຈີນແມ່ນມີຄວາມເປີດເຜີຍຕໍ່ຮູບເງົາ Hollywood, ຮູບເງົາ Hollywood ສ່ວນໃຫຍ່ແມ່ນສາມາດສາຍຢູ່ຈີນໄດ້. ໃນຫຼາຍສິບປີທີ່ຜ່ານມາ, ຜູ້ຊົມຂອງຈີນກໍມີຄວາມສົນໃຈຢ່າງກວ້າງຂວາງຕໍ່ຮູບເງົາ Hollywood. ເວົ້າລວມແລ້ວ, ສາເຫດທີ່ເຮັດໃຫ້ອິດທິພົນຂອງ Hollywood ຢູ່ຕະຫຼາດຂອງຈີນເສື່ອມເສຍ ແມ່ນຍ້ອນສາເຫດຂອງຮູບເງົາ Hollywood ເອງ ແລະ ກໍຍ້ອນຕະຫຼາດຂອງຈີນມີການປ່ຽນແປງໃໝ່.

ການພັດທະນາຂອງຮູບເງົາ Hollywood ກຳລັງປະສົບກັບປັດໄຈທີ່ບໍ່ເອື້ອອຳນວຍ. ໃນຊຸມປີຜ່ານມາ, Hollywood ມັກພັດທະນາ IP ຮູບເງົາທີ່ຄ້າຍຮູບແບບເກົ່າ, ເຮັດໃຫ້ຮູບເງົາໄດ້ຮັບພະລັງຈາກການປະດິດສ້າງໃໝ່ ແລະ ຈິດຕະນາການບໍ່ພຽງພໍ. ຍົກຕົວຢ່າງຄືຮູບເງົາເລື່ອງ Fast X, Avatar 2, Despicable Me 4 ແລະອື່ນໆ ລ້ວນແຕ່ເປັນການສ້າງຕໍ່ຮູບເງົາເລື່ອງເກົ່າຊື່ໆ, ຍາກທີ່ຈະເຮັດໃຫ້ຜູ້ຊົມຮູ້ສຶກໜ້າສົນໃຈ.

ໃນຂະນະດຽວກັນ, ຂະແໜງການຮູບເງົາຂອງຈີນໄດ້ຮັບການພັດທະນາ ແລະ ມີຄວາມສາມາດດຶງດູດຜູ້ຊົມຈີນນັບມື້ນັບຫຼາຍຂຶ້ນ. ບໍ່ວ່າໃນດ້ານເນື້ອໃນຂອງຮູບເງົາ ຫຼື ເຕັກນິກການຖ່າຍທຳຮູບເງົາ, ຈີນຕ່າງກໍໄດ້ມີຄວາມຄືບໜ້າ ເຊິ່ງໄດ້ກາຍເປັນຄູ່ແຂ່ງອັນເຂັ້ມແຂງຕໍ່ຮູບເງົາ Hollywood.

ເວົ້າລວມແລ້ວ, ຜູ້ຊົມຈີນແມ່ນມີທ່າທີແບບເປີດປະຕູຕໍ່ຮູບເງົາຕ່າງປະເທດ ແລະ ກໍມີຄວາມສົນໃຈໃນລະດັບສູງຕໍ່ຮູບເງົາອາເມຣິກາທີ່ມີຄຸນນະພາບສູງ. ໃນອະນາຄົດ, ຈີນຍັງຈະສືບຕໍ່ເປັນຕະຫຼາດທີ່ສຳຄັນສຳລັບຮູບເງົາອາເມຣິກາ, ສະນັ້ນ, Hollywood ຄວນປັບປຸງແນວຄິດ ແລະ ຍຸດທະສາດຂອງຕົນ ເພື່ອຍາດເອົາຊື່ສຽງ ແລະ ຕະຫຼາດ ຢູ່ຈີນຄືນໃໝ່.