ລະຫວ່າງວັນທີ 12 ຫາ 21 ສິງຫາ 2024, ທ່ານຊິຕິເວນີ ຣາບຸກາ ນາຍົກລັດຖະມົນຕີຟີຈີໄດ້ເດີນທາງໄປຢ້ຽມຢາມຈີນເປັນຄັ້ງທຳອິດພາຍຫຼັງດຳລົງຕຳແໜ່ງນາຍົກລັດຖະມົນຕີເປັນສະໄໝທີສອງ.

ໃນເວລາໃຫ້ສຳພາດຕໍ່ນັກຂ່າວວິທະຍຸໂທລະພາບສູນກາງຈີນຫຼື CMG: ທ່ານຣາບຸກາ ນາຍົກລັດຖະມົນຕີຟີຈີກ່າວວ່າ: ຂ້າພະເຈົ້າເກີດ ແລະ ເຕີບໂຕຢູ່ຊົນນະບົດ, ໃກ້ຊິດຕິດແທດກັບທຳມະຊາດທີ່ສຸດ, ແລະຮູ້ດີວ່າສິ່ງໃດແມ່ນມີຄວາມສຳຄັນສຳລັບທຳມະຊາດ. ທຳມະຊາດຢູ່ບ່ອນນີ້ແມ່ນໝາຍເຖິງສັນຕິພາບ, ທຸກສິ່ງທຸກຢ່າງຢູ່ໃນທຳມະຊາດລ້ວນແຕ່ແມ່ນສັນຕິພາບ ແລະ ກົມກຽວ. ຖ້າວ່າເຕີບໂຕໃນສະພາບແວດລ້ອມແບບນີ້, ແນວຄິດປະຊາຄົມຮ່ວມຊາຕາກຳຂອງມວນມະນຸດທີ່ສະເໜີອອກໂດຍທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນແມ່ນໄດ້ຝັງເລິກຢູ່ໃນຈິດໃຈ, ຮ່າງກາຍ ແລະ ແນວຄິດຂອງເຈົ້າຢ່າງເລິກເຊິ່ງ.