ວັນທີ 27 ສິງຫານີ້, ສາຍການບິນ KLM Royal Dutch ປະເທດໂຮນລັງໄດ້ຮັບຍົນແອບັດທີ່ໃຊ້ສໍາລັບການບິນໄລຍະໃກ້ລໍາທໍາອິດ. ບໍລິສັດດັ່ງກ່າວແຈ້ງໃຫ້ຮູ້ວ່າ: ໃນຊຸມປີຕໍ່ໜ້າ, ບໍລິສັດຕົນຈະລົງທຶນ 7 ຕື້ເອີໂຣເຂົ້າໃນການຈັດຊື້ຍົນໃໝ່ ແລະ ຈະບໍ່ນໍາໃຊ້ຍົນທີ່ຜະລິດຈາກບໍລິສັດໂບອິງອີກຕໍ່ໄປ.

   ອີງຕາມຂ່າວແຈ້ງໃຫ້ຮູ້ວ່າ: ສາຍການບິນ KLM Royal Dutch ມີແຜນຈະນໍາໃຊ້ຍົນແອບັດ A321neo ມາໃຊ້ແທນຍົນໂດຍສານໂບອິງ 737 ທີ່ກໍາລັງໃຊ້ງານໃນປັດຈຸບັນ, ພ້ອມທັງຈະນໍາໃຊ້ຍົນແອບັດ A350 ມາໃຊ້ແທນຍົນໂບອິງທີ່ໃຊ້ສໍາລັບການບິນໄລຍະໄກ.