ເວລາ 16 ໂມງຂອງວັນທີ 23 ສິງຫານີ້, ຂະບວນຕູ້ລົດໄຟແຊ່ເຢັນ ທີ່ໄດ້ບັນທຸກຜັກ ແລະ ໝາກໄມ້ສົດ 400 ກວ່າໂຕນ ໄດ້ເດີນທາງອອກຈາກນະຄອນຢຸ້ຍຊີແຂວງຢຸນນານຈີນ ເດີນທາງໄປສູ່ນະຄອນຫຼວງວຽງຈັນຂອງປະເທດລາວ ໂດຍຜ່ານທາງລົດໄຟຈີນ-ລາວ, ຫຼັງຈາກນັ້ນ, ໄດ້ປ່ຽນຖ່າຍຂົນສົ່ງໄປຕາມທາງຫຼວງ ອີກ 3 ວັນ, ຜັກ ແລະ ໝາກໄມ້ເຫຼົ່ານີ້ໄດ້ຖືກປ້ອນເຂົ້າຕະຫຼາດຜັກ ແລະ ໝາກໄມ້ສົດໃນນະຄອນຫຼວງບາກກອກປະເທດໄທ ເຊິ່ງເປັນຂີດໝາຍສະແດງໃຫ້ເຫັນວ່າ: ການຂົນສົ່ງຜັກ ແລະ ໝາກໄມ້ແຊ່ເຢັນຕາມທາງລົດໄຟສາກົນຈີນ-ລາວ ໄດ້ກ້າວເຂົ້າສູ່ສະພາບປົກກະຕິແລ້ວ. ການຂົນສົ່ງແບບນີ້ ຈະສາມາດຮັກສາຄວາມສົດ ແລະ ຄຸນນະພາບຂອງຜັກ ແລະ ໝາກໄມ້ ເຊິ່ງໄດ້ສ່ອງແສງໃຫ້ເຫັນເຖິງທາງລົດໄຟຈີນ-ລາວມີປະສິດທິພາບສູງ ແລະ ມີຄວາມສະດວກສະບາຍ ໃນການຂົນສົ່ງສິນຄ້າສາກົນ.