ໃນເວລາ 20 ໂມງຂອງວັນທີ 28 ສິງຫານີ້, ພິທີໄຂງານກິລາໂອລິມປິກຄົນພິການຄັ້ງທີ 17 ໄດ້ຈັດຂຶ້ນຢູ່ນະຄອນຫຼວງປາຣີຂອງຝຣັ່ງ. ທ່ານ ເອັມມານູເອວ ມາຄຣົງ ປະທານາທິບໍດີຝຣັ່ງໄດ້ປະກາດໄຂງານກິລາໂອລິມປິກຄົນພິການປາຣີ 2024 ຢ່າງເປັນທາງການ.

   ງານກິລາໂອລິມປິກຄົນພິການຄັ້ງທີ 17 ໄດ້ຈັດຂຶ້ນຢູ່ນະຄອນຫຼວງປາຣີຂອງຝຣັ່ງລະຫວ່າງວັນທີ 28 ສິງຫາເຖິງວັນທີ 8 ກັນຍາໜ້ານີ້, ໂດຍໄດ້ຈັດການແຂ່ງຂັນ 22 ປະເພດກິລາໃຫຍ່ ແລະ 549 ປະເພດກິລາຍ່ອຍ, ມີນັກກິລາ 4.400 ຄົນຈາກເກືອບ 160 ປະເທດ ແລະ ເຂດແຄວ້ນເຂົ້າຮ່ວມການແຂ່ງຂັນ.