ທ່ານ ກ່ານຢວີ ໂຄສົກອົງການຕຳຫຼວດຍາມຝັ່ງທະເລຂອງຈີນໄດ້ຢືນຢັນໃນຫວ່າງມໍ່ໆມານີ້ວ່າ: ວັນທີ 28 ສິງຫານີ້, ຍົນເຮຣິກົບແຕລໍາໜຶ່ງຂອງຟິລິບປິນໄດ້ປ້ອນເຄື່ອງທາງອາກາດໃຫ້ແກ່ກໍ່າປັ່ນເລກ 9701 ຂອງຕໍາຫຼວດຍາມຝັ່ງທະເລຟິລິບປິນທີ່ຄ້າງຢູ່ຫາດຊ່ຽນປິ່ນຂອງຈີນແບບຜິດກົດໝາຍ. ເຖິງວ່າກໍ່າປັ່ນເລກ 9701 ຂອງຟິລິບປິນມີຄວາມສາມາດເຄື່ອນທີ່ໄດ້ກໍຕາມ, ແຕ່ຟິລິບປິນຊໍ້າພັດຖືເອົາສຸຂະພາບ ແລະ ຄວາມປອດໄພດ້ານຊີວິດຂອງຕໍາຫຼວດທີ່ປະຈໍາຢູ່ກໍ່າປັ່ນເລກ 9701 ເປັນເດີມພັນ, ຖືເອົາ “ມະນຸດສະທໍາ” ເປັນຂໍ້ອ້າງເພື່ອ “ລະເມີດສິດ” ໂດຍໄດ້ລ່ວງລໍ້າຕໍ່ອະທິປະໄຕ ແລະ ຜືນແຜ່ນດິນຂອງຈີນຢ່າງໜັກໜ່ວງ. ຈີນເຕືອນຕໍ່ຟິລິບປິນຢ່າງເຄັ່ງຂຶມວ່າ: ຈົ່ງຍຸດຕິການກະທໍາທີ່ມີຄວາມສ່ຽງກໍຄືການປຸກປັ່ນປ່າວຂ່າວເກີນຄວາມຈິງໃນທັນທີ ແລະ ຖອນກໍ່າປັ່ນເລກ 9701 ໃນທັນທີ, ຈົ່ງຢ່າຕີລາຄາສະຖານະການຢ່າງຜິດພາດ ແລະ ເຮັດໃຫ້ພາວະເຄັ່ງຕຶງຂຶ້ນ, ບໍ່ດັ່ງນັ້ນຟິລິບປິນຕ້ອງເປັນຝ່າຍຮັບຜິດຊອບຜົນທີ່ເກີດຂຶ້ນທັງໝົດ.