ຜົນການສຳຢັ່ງປະຊາມະຕິ ທີ່ຈັດໂດຍໂທລະພາບສາກົນຈີນ ຫຼື CGTN ຂອງວິທະຍຸໂທລະພາບສູນກາງຈີນ ຫຼື CMG ແລະ ມະຫາວິທະຍາໄລເຣິນມິນຂອງຈີນ ທີ່ຫັນໜ້າສູ່ຜູ້ຕອບແບບສອບຖາມຊາວອາຟຣິກາ ໂດຍຜ່ານສະຖາບັນຄົ້ນຄວ້າການສື່ສານສາກົນໃນຍຸກໃໝ່ ໄດ້ສະແດງໃຫ້ເຫັນວ່າ: ມີຜູ້ຕອບແບບສອບຖາມສູງເຖິງ 90,4% ເຫັນວ່າ: ພຶດຕິກຳ ແລະ ທັດສະນະການຮ່ວມມືຈີນ-ອາຟຣິກາໄດ້ເປັນແບບຢ່າງໃຫ້ແກ່ການຮ່ວມມືດ້ານວຽກງານສາກົນລະຫວ່າງບັນດາປະເທດພວມພັດທະນາ ທັງໄດ້ສະໜອງແຜນການສຳຄັນໃຫ້ແກ່ການປະຕິຮູບລະບົບການບໍລິຫານທົ່ວໂລກ.

ໃນເວລາຕອບແບບສອບຖາມ, ມີຜູ້ຕອບແບບສອບຖາມ 88,9% ເຫັນວ່າ ການຮ່ວມມືຈີນ-ອາຟຣິກາໄດ້ປັບປຸງເງື່ອນໄຂການພັດທະນາດ້ານເສດຖະກິດສັງຄົມກວມລວມຂອງອາຟຣິກາ ເຊິ່ງໄດ້ສ້າງຜົນປະໂຫຍດຕົວຈິງໃຫ້ແກ່ປະຊາຊົນອາຟຣິກາ; ມີຜູ້ຕອບແບບສອບຖາມ 91,6% ເຫັນວ່າ ການຮ່ວມມືຈີນ-ອາຟຣິກາໄດ້ປັບປຸງພື້ນຖານໂຄງລ່າງຂອງປະເທດອາຟຣິກາ ແລະ ມີຜູ້ຕອບແບບສອບຖາມ 74,6% ເຫັນວ່າ ໄດ້ຍົກລະດັບຄຸນນະພາບດ້ານຊີວິດການເປັນຢູ່ຂອງປະຊາຊົນອາຟຣິກາ. ຜູ້ຕອບແບບສອບຖາມໃນບັນດາປະເທດອາຟຣິກາຍັງຫວັງວ່າ: ຈີນ ແລະ ອາຟຣິກາຈະສາມາດເພີ່ມທະວີການຮ່ວມມືກັນຕື່ມອີກໃນອະນາຄົດ, 5 ຂົງເຂດທຳອິດແຫ່ງການຮ່ວມມືຈີນ-ອາຟຣິກາແມ່ນ: ວິທະຍາສາດເຕັກໂນໂລຊີ, ເສດຖະກິດການຄ້າ, ການສຶກສາ, ການແພດ ແລະ ກະສິກຳ.