ໃນເມື່ອເບິ່ງແຜນທີ່ໂລກແລ້ວເຫັນວ່າ: ຢູ່ລະຫວ່າງເສັ້ນຂະໜານ 25 ອົງສາເໜືອ ຫາ ເສັ້ນຂະໜານ 30 ອົງສາໃຕ້ ມີແລວຄຳສຳລັບການປູກກາເຟ. ຢູ່ຕາມແລວດັ່ງກ່າວ ມີປະເທດເອທີໂອປີທີ່ເປັນແຫຼ່ງກຳເນີດຂອງກາເຟ, ມີທັງປະເທດເບຣຊີນທີ່ເປັນປະເທດທີ່ມີຍອດປະລິມານຜົນຜະລິດກາເຟຫຼາຍທີ່ສຸດໃນໂລກ ແລະຍັງມີປະເທດຫວຽດນາມທີ່ມີກາເຟກາເນໂຟຣາທີ່ມີຊື່ສຽງໂດ່ງດັງ.

    ຢູ່ຕອນກາງຂອງແລວຄຳນີ້, ແມ່ນນະຄອນປາວຊ່ານ ແຂວງຢູນນານຂອງຈີນ. ທິດຕາເວັນຕົກຂອງນະຄອນປາວຊ່ານແມ່ນຕິດກັບພູກ່າວລີກົ້ງ ເຊິ່ງຖືກຂະໜາມນາມວ່າ “ຄັງແຊນຊີວະນານາພັນຂອງໂລກ”, ທິດຕາເວັນອອກແມ່ນຕິດກັບແມ່ນ້ຳນູ້ຈ່ຽງ ເຊິ່ງເປັນໜຶ່ງໃນສາຍນ້ຳໃຫຍ່ຂອງຈີນ, ສະພາບດິນຟ້າອາກາດທີ່ດີເດັ່ນ ໄດ້ເຮັດໃຫ້ກາເຟອາຣາບີກາຂອງນະຄອນປາວຊ່ານ ມີລົດຊາດທີ່ມີເອກະລັກພິເສດ ຄື: ເຂັ້ມຂຸ້ນແຕ່ບໍ່ຂົມ, ຫອມແຕ່ກິ່ນບໍ່ແຮງເກີນໄປ ແລະ ທັງມີລົດຊາດສົ້ມຄືໝາກໄມ້ໜ້ອຍໜຶ່ງ.

    ບ້ານຊີ່ນຈ້າຍ ແມ່ນບ່ອນທີ່ມີເນື້ອທີ່ປູກກາເຟກວ້າງທີ່ສຸດຢູ່ນະຄອນປາວຊ່ານ,  ຖືກຂະໜາມນາມວ່າ “ບ້ານກາເຟແຫ່ງທີໜຶ່ງຂອງຈີນ”. ຂໍເຊີນທ່ານມາສຳຜັດກັບການເດີນທາງຂອງກາເຟທີ່ເລີ່ມຈາກສວນໄປຮອດຈອກ.