ວັນທີ 1 ກັນຍານີ້ ກອງທັບປ້ອງກັນປະເທດອິດສະຣາແອນກ່າວວ່າ, ກອງທັບອິດສະຣາແອນໄດ້ຄົ້ນພົບສົບທີ່ເປັນຕົວປະກັນຊາວອິດສະຣາແອນ 6 ຄົນຢູ່ນະຄອນລາຟາທາງພາກໃຕ້ເຂດກາຊາ, ຕາມການຄາດຄະເນໃນເບື້ອງຕົ້ນເຫັນວ່າ ເຂົາເຈົ້າໄດ້ເສຍຊີວິດມາຫຼາຍມື້ແລ້ວ, ຂ່າວນີ້ໄດ້ສ້າງຄວາມບໍ່ພໍໃຈຢ່າງຮຸນແຮງໃນທົ່ວປະເທດອິດສະຣາແອນ. ວັນທີ 2 ກັນຍານີ້, ຢູ່ອິດສະຣາແອນໄດ້ເກີດມີການຢຸດງານທົ່ວປະເທດຄັ້ງທຳອິດນັບແຕ່ການປະທະກັນລະຫວ່າງປາແລັດສະຕິນ ແລະ ອິດສະຣາແອນຮອບນີ້ເປັນຕົ້ນມາ, ປະຊາຊົນອິດສະຣາແອນຍັງໄດ້ຈັດການປະທ້ວງຂຶ້ນຢູ່ຫຼາຍແຫ່ງ, ເພື່ອໃຊ້ຄວາມກົດດັນຕໍ່ລັດຖະບານ, ແລະເຕືອນໃຫ້ລັດຖະບານເຊັນສັນຍາຢຸດຍິງ ແລະ ແລກປ່ຽນຕົວປະກັນກັບກຸ່ມຮາມາສໃນທັນທີ.

ນອກນີ້, ເວລາ 8 ໂມງ ຫາ 10 ໂມງຂອງວັນທີ 2 ກັນຍານີ້, ຖ້ຽວບິນທັງໝົດຢູ່ສະໜາມບິນສາກົນເບນ ກູຣີອອນຢູ່ນະຄອນເຕລາວິຟໄດ້ຢຸດການບິນຂຶ້ນລົງເປັນການຊົ່ວຄາວ.