ວັນທີ 3 ກັນຍານີ້, ທ່ານຣາເຟວ ມາເຣຍໂນ ໂກຣຊີ ຜູ້ອຳນວຍການໃຫຍ່ອົງການພະລັງງານປະລະມານູສາກົນກ່າວວ່າ: ທ່ານໄດ້ພົບປະກັບທ່ານໂວໂລດິເມຍ ເຊເລນສະກີ ປະທານາທິບໍດີ ແລະ ເຈົ້າໜ້າທີ່ໃນຂົງເຂດພະລັງງານຂອງອູແກຣນຢູ່ນະຄອນຫຼວງກິເອັບ ພ້ອມທັງໄດ້ເດີນທາງໄປຢ້ຽມຢາມໂຮງໄຟຟ້ານິວເຄລຍຊາໂປຣີສເຊຍ. ທ່ານກ່າວວ່າ: ສະພາບການຢູ່ໂຮງໄຟຟ້ານິວເຄລຍຊາໂປຣີສເຊຍໃນປັດຈຸບັນແມ່ນ “ອ່ອນໄຫວທີ່ສຸດ”.

ທ່ານຣາເຟວ ມາເຣຍໂນ ໂກຣຊີກ່າວເຕືອນວ່າ: ຖ້າໂຮງໄຟຟ້ານິວເຄລຍແຫ່ງນີ້ເສຍການສະໜອງໄຟຟ້າຈາກພາຍນອກ, ເຕົາປະຕິກອນຂອງໂຮງໄຟຟ້າກໍຈະເຢັນລົງບໍ່ໄດ້ ເຊິ່ງຈະເຮັດໃຫ້ເກີດໄພພິບັດທາງນິວເຄລຍ. ນອກນີ້, ທ່ານກ່າວຕື່ມວ່າ: ຕົນຍັງໄດ້ເປິກສາຫາລືບັນຫາໂຮງໄຟຟ້ານິວເຄລຍເຄີສກັບທ່ານໂວໂລດິເມຍ ເຊເລນສະກີຕື່ມອີກ.

ໂຮງໄຟຟ້ານິວເຄລຍຊາໂປຣີສເຊຍແມ່ນໜຶ່ງໃນໂຮງໄຟຟ້ານິວເຄລຍໃຫຍ່ທີ່ສຸດຂອງເອີຣົບ, ມີເຕົາປະຕິກອນນິວເຄລຍ 6 ແຫ່ງ. ພາຍຫຼັງເກີດການປະທະກັນລະຫວ່າງຣັດເຊຍແລະອູແກຣນບໍ່ດົນ, ອູແກຣນ ແລະ ຣັດເຊຍຕ່າງໄດ້ປະກາດວ່າ: ກອງທັບຣັດເຊຍໄດ້ເຂົ້າຄວບຄຸມໂຮງໄຟຟ້ານິວເຄລຍແຫ່ງນີ້.