ວັນທີ 3 ກັນຍານີ້, ຜູ້ສັນທັດກໍລະນີຄົນໜຶ່ງຂອງອິດສະຣາແອນກ່າວວ່າ, ຝ່າຍອິດສະຣາແອນໄດ້ແຈ້ງໃຫ້ຜູ້ໄກ່ເກ່ຍຮູ້ວ່າ, ອິດສະຣາແອນເຫັນດີຈະຖອນອອກຈາກ “ແລວທາງຟິລາເດວຟີ” ໃນໄລຍະ 2 ຂອງສັນຍາແລກປ່ຽນຕົວປະກັນ.

ສື່ມວນຊົນອິດສະຣາແອນເປີດເຜີຍໃຫ້ຮູ້ວ່າ, ໃນຫຼາຍມື້ມານີ້ຜູ້ຕາງໜ້າຂອງ ອາເມຣິກາ ກາຕາ ແລະ ເອຢິບໄດ້ຈັດການພົບປະເຈລະຈາກັນ ເພື່ອວາງແຜນໃໝ່ກ່ຽວກັບບັນຫາຢຸດຍິງຢູ່ເຂດກາຊາ. ສຳລັບເລື່ອງນີ້, ຜູ້ຮັບຜິດຊອບໜ່ວຍງານສືບຂ່າວລັບຂອງອິດສະຣາແອນໄດ້ຢ້ຽມຢາມກາຕາໃນວັນທີ 2 ກັນຍານີ້. ຜູ້ສັນທັດກໍລະນີກ່າວວ່າ, ນັບມາຮອດປັດຈຸບັນ, ຈຸດຢືນຂອງອິດສະຣາແອນແມ່ນຍັງຄົງຍຶດໝັ້ນຮັກສາກອງທັບທີ່ປະຈຳຢູ່“ແລວທາງຟິລາເດວຟີ” ໃນໄລຍະ 1 ຂອງການຢຸດຍິງ, ແຕ່ເຫັນດີຖອນທັບອອກຈາກ “ແລວທາງຟິລາເດວຟີ” ໃນໄລຍະ 2 ຂອງການຢຸດຍິງ. ແຕ່ຂ່າວນີ້ຍັງບໍ່ທັນໄດ້ຮັບການຢືນຢັນຢ່າງເປັນທາງການຈາກຝ່າຍອິດສະຣາແອນເທື່ອ.