ຕອນຂ້ອນແຈ້ງວັນທີ 5 ກັນຍານີ້, ກຸ່ມຮາມາສໄດ້ອອກຖະແຫຼງການວ່າ, ພວກເຂົາບໍ່ຕ້ອງການແຜນສະບັບໃໝ່ກ່ຽວກັບສັນຍາຢຸດຍິງຢູ່ເຂດກາຊາ ແລະ ແລກປ່ຽນຕົວປະກັນ, ປັດຈຸບັນສິ່ງທີ່ຕ້ອງການແມ່ນໃຊ້ຄວາມກົດດັນຕໍ່ທ່ານເບັນຈາມິນ ເນທັນຢາຮູ ນາຍົກລັດຖະມົນຕີອິດສະຣາແອນ ແລະ ລັດຖະບານຂອງທ່ານ, ເພື່ອເຮັດໃຫ້ເຂົາເຈົ້າປະຕິບັດຕາມສັນຍາທີ່ໄດ້ເຊັນກັນໄວ້. ໃນຖະແຫຼງການຍັງໄດ້ເຕືອນວ່າ, ບັນດາຝ່າຍຢ່າຕົກໃນກັບຕັກ ແລະ ກົນອຸບາຍຂອງເນທັນຢາຮູທີ່ສວຍໃຊ້ການເຈລະຈາເພື່ອແກ່ຍາວການຮຸກຮານຕໍ່ປະຊາຊົນປາແລັດສະຕິນ.

ໃນຖະແຫຼງການຍັງລະບຸຕື່ມວ່າ, ທ່ານເນທັນຢາຮູຕັດສິນໃຈບໍ່ຖອນທັບອອກຈາກ “ແລວທາງຟິລາເດວຟີ”, ແມ່ນມີຈຸດປະສົງເພື່ອສະກັດກັ້ນການບັນລຸສັນຍາຢຸດຍິງ.