ຕອນຄ່ຳວັນທີ 4 ກັນຍານີ້, ພາກສ່ວນສາທາລະນະສຸກເຂດກາຊາແຈ້ງໃຫ້ຮູ້ວ່າ: ວຽກງານຢອດວັກຊິນປ້ອງກັນພະຍາດໂປລີໂອໄລຍະທີໜຶ່ງຢູ່ພາກກາງເຂດກາຊາໄດ້ສຳເລັດແລ້ວ ໂດຍໄດ້ຢອດວັກຊິນໃຫ້ແກ່ເດັກນ້ອຍທັງໝົດ 189.551 ຄົນ.

ນັບແຕ່ວັນທີ 5 ກັນຍານີ້ເປັນຕົ້ນໄປ, ວຽກງານຢອດວັກຊິນໄລຍະທີສອງຈະດຳເນີນຢູ່ເຂດຄານ ຢູນິສ ແລະ ເຂດຣາຟາ ທາງພາກໃຕ້ເຂດກາຊາ. ໃນໄລຍະນີ້, ເຂດພາກກາງຂອງກາຊາຍັງຈະໃຫ້ການບໍລິການຢອດວັກຊິນຢູ່ 4 ຈຸດບໍລິການທາງການແພດ.

ເຈົ້າໜ້າທີ່ອົງການອະນາໄມໂລກກ່າວວ່າ: ອົງການທີ່ກ່ຽວຂ້ອງຂອງອົງການສະຫະປະຊາຊາດໄດ້ຢອດວັກຊິນປ້ອງກັນພະຍາດໂປລີໂອໃຫ້ແກ່ເດັກນ້ອຍທີ່ມີອາຍຸລຸ່ມ 10 ປີລົງມາຫຼາຍກວ່າ 180.000 ຄົນຢູ່ເຂດພາກກາງຂອງກາຊາ. ອົງການຕ່າງໆຂອງອົງການສະຫະປະຊາຊາດໄດ້ກຽມພ້ອມໃນທຸກດ້ານ ເຊັ່ນ: ການນຳສົ່ງວັກຊິນ, ຂັ້ນຕອນແຊ່ເຢັນ, ບຸກຄະລາກອນ ແລະ ໂທລະຄົມເປັນຕົ້ນ ເພື່ອຈະດຳເນີນການຢອດວັກຊິນຢູ່ທາງພາກໃຕ້ຂອງເຂດກາຊາໃນວັນທີ 5 ກັນຍານີ້.