ວັນທີ 5 ກັນຍານີ້, ທ່ານຮັນເຕີ ໄບເດັນ ລູກຊາຍຂອງທ່ານໂຈ ໄບເດັນ ປະທານາທິບໍດີອາເມຣິກາໄດ້ຮັບສາລະພາບຜິດ 9 ຂໍ້ທີ່ຖືກກ່າວຟ້ອງໃນຄະດີພາສີອາກອນສະຫະລັດ.

ກ່ອນໜ້ານີ້, ໃນເດືອນທັນວາປີ 2023, ທ່ານຮັນເຕີ ໄບເດັນຖືກກ່າວຟ້ອງ ດ້ານພາສີອາກອນ 9 ຂໍ້, ໃນນັ້ນລວມທັງ ບໍ່ໄດ້ແຈ້ງ ແລະ ເສຍອາກອນ, ຫຼົບຫຼີກອາກອນ, ຍື່ນໃບແຈ້ງອາກອນປອມ ຫຼື ຫຼອກລວງ, ໃນຂໍ້ຫາ 9 ຂໍ້ນັ້ນ ມີໂທດໜັກ 3 ຂໍ້ ແລະ ໂທດເບົາ 6 ຂໍ້. ຢູ່ໃນໃບກ່າວຟ້ອງລະບຸວ່າ, ລະຫວ່າງປີ 2016-2019, ທ່ານຮັນເຕີ ໄບເດັນບໍ່ໄດ້ເສຍອາກອນເປັນເງິນຢ່າງໜ້ອຍ 1,4 ລ້ານໂດລາ, ທັງໄດ້ຍື່ນໃບແຈ້ງອາກອນປອມປະມານເດືອນກຸມພາປີ 2020 ເພື່ອຫຼົບຫຼີກການປະເມີນອາກອນໃນສົກອາກອນປີ 2018.