ວັນທີ 6 ກັນຍານີ້, ທ່ານນາງ ແພທອງທານ ຊິນນະວັດ ນາຍົກລັດຖະມົນຕີຄົນໃໝ່ຂອງໄທໄດ້ນຳພາຄະນະລັດຖະບານຊຸດໃໝ່ສາບານຕົວຕໍ່ສົມເດັດ ມະຫາ ວາຊິຣະລົງກອນ ເຈົ້າຊີວິດໄທ ເພື່ອຂຶ້ນຮັບຕຳແໜ່ງ.

ຄະນະລັດຖະບານໄທຊຸດນີ້ປະກອບດ້ວຍ 36 ທ່ານ, ທ່ານນາງ ແພທອງທານ ຊິນນະວັດ ຫົວໜ້າພັກເພື່ອໄທ ໄດ້ດຳລົງຕຳແໜ່ງນາຍົກລັດຖະມົນຕີ, ສ່ວນຮອງນາຍົກລັດຖະມົນຕີ 6 ທ່ານແມ່ນມາຈາກພັກເພື່ອໄທ, ພັກພູມໃຈໄທ, ພັກລວມໄທສ້າງຊາດ ແລະອື່ນໆ.