ນັກຂ່າວວິທະຍຸໂທລະພາບສູນກາງຈີນຫຼື CMG ໄດ້ລາຍງານຂ່າວວ່າ, ວັນທີ 7 ກັນຍານີ້, ນະຄອນລອນດອນລັດເຄັນຕັກກີຂອງອາເມຣິກາໄດ້ເກີດເຫດຍິງກັນ, ເຮັດໃຫ້ເສັ້ນທາງດ່ວນທີ່ ຢູ່ໃກ້ກັບບ່ອນເກີດເຫດໄດ້ປິດການຈາລະຈອນ.

ທ່ານແຣນດອລ ເວດເດິລ ເຈົ້າຄອງນະຄອນລອນດອນລັດເຄັນຕັກກີໄດ້ຢືນຢັນຜ່ານທາງສື່ສັງຄົມອອນລາຍວ່າ: ມີຫຼາຍຄົນຖືກຍິງໃນເຫດການຄັ້ງນີ້ ແລະ ທ່ານເຕືອນໃຫ້ຊາວເມືອງຢ່າໃຊ້ທາງດ່ວນທີ່ຢູ່ໃກ້ກັບບ່ອນເກີດເຫດ ຈົນກວ່າຈະມີແຈ້ງການອອກມາ.

ສ່ວນລາຍລະອຽດອື່ນໆທີ່ກ່ຽວກັບເຫດຍິງກັນໃນຄັ້ງນີ້ ຝ່າຍທາງການຍັງບໍ່ທັນໄດ້ເປີດເຜີຍເທື່ອ.