ວັນທີ 9 ກັນຍານີ້, ທ່ານນາງເມົານີງ ໂຄສົກກະຊວງການຕ່າງປະເທດຈີນໄດ້ຈັດກອງປະຊຸມຖະແຫຼງຂ່າວ.ມີນັກຂ່າວຖາມກ່ຽວກັບວິທີແກ້ໄຂຂໍ້ຂັດແຍ້ງຢູ່ເຂດທະເລຈີນໃຕ້.

    ທ່ານນາງເມົານີງຕອບວ່າ: ຈີນມີເຈດຈຳນົງມາໂດຍຕະຫຼອດໃຫ້ປະເທດທີ່ກ່ຽວຂ້ອງໂດຍກົງຈົ່ງຢືນຢັນບົນພື້ນຖານທີ່ເຄົາລົບຄວາມຈິງໃນປະຫວັດສາດ, ອີງຕາມກົດໝາຍສາກົນ, ແກ້ໄຂຂໍ້ຂັດແຍ້ງກ່ຽວກັບບັນຫາທະເລຈີນໃຕ້ໂດຍຜ່ານການເຈລະຈາເປິກສາຫາລືກັນດ້ວຍສັນຕິວິທີ. ກ່ຽວກັບອັນທີ່ເອີ້ນວ່າການຕັດສິນຄະດີທີ່ກ່ຽວຂ້ອງກັບທະເລຈີນໃຕ້, ຈີນໄດ້ສະແດງຫຼັກໝັ້ນມາຫຼາຍເທື່ອແລ້ວວ່າ ການຕັດສິນທີ່ກ່ຽວຂ້ອງແມ່ນຜິດກົດໝາຍ ແລະ ເປັນໂມຄະ.