ວັນທີ 10 ກັນຍານີ້, ບ້ານແຫ່ງໜຶ່ງຢູ່ແຂວງລາວກາຍປະເທດຫວຽດນາມໄດ້ເກີດນໍ້າປ່າໄຫຼຊຸແຮງ. ນັກຂ່າວວິທະຍຸໂທລະພາບສູນກາງຈີນຫຼື CMG ໄດ້ອີງຕາມແຫຼ່ງຂ່າວທີ່ກ່ຽວຂ້ອງມາລາຍງານວ່າ: ໄພພິບັດຄັ້ງນີ້ໄດ້ເຮັດໃຫ້ມີຜູ້ເສຍຊີວິດ 16 ຄົນ, ຫາຍສາບສູນປະມານ 40 ຄົນ ແລະ ໄດ້ຮັບບາດເຈັບປະມານ 30 ກວ່າຄົນ.

ບ້ານທີ່ປະສົບໄພແຫ່ງນີ້ຕັ້ງຢູ່ເຂດຫ່າງໄກສອກຫຼີກ, ການຄົມມະນາຄົມ ແລະ ການສື່ສານຖືກຕັດຂາດໝົດ ເຊິ່ງສ້າງຄວາມຫຍຸ້ງຍາກໃຫ້ແກ່ວຽກງານກູ້ໄພ.

ແຂວງລາວກາຍເປັນໜຶ່ງໃນບັນດາເຂດປະສົບໄພພາຍຫຼັງພາຍຸໄຕ້ຝຸ່ນຢະກິ ພັດເຂົ້າພາກເໜືອຫວຽດນາມ.