ວັນທີ 10 ກັນຍານີ້, ທ່ານ ຫວາງຢີ້ ກຳມະການກົມການເມືອງສູນກາງພັກຄອມມູນິດຈີນ ຫົວໜ້າຫ້ອງວ່າການຄະນະກຳມະການວຽກງານການຕ່າງປະເທດສູນກາງພັກຄອມມູນິດຈີນໄດ້ພົບປະກັບທ່ານ ເຊີເກ ຊອຍກູ ເລຂາທິການສະພາຄວາມໝັ້ນຄົງແຫ່ງສະຫະພັນຣັດເຊຍຢູ່ນະຄອນແຊັງປີເຕີສະບວກຂອງຣັດເຊຍ.

    ທ່ານ ຫວາງຢີ້ ກ່າວວ່າ: ຈີນຍິນດີຮ່ວມກັບຣັດເຊຍເພີ່ມທະວີການແລກປ່ຽນ ທາງຍຸດທະສາດ, ເສີມຂະຫຍາຍບົດບາດຂອງກົນໄກເປິກສາຫາລືຄວາມໝັ້ນຄົງຍຸດທະສາດຈີນ-ຣັດເຊຍ ແລະ   ກົນໄກກອງປະຊຸມຜູ້ຕາງໜ້າຂັ້ນສູງດ້ານວຽກງານຄວາມໝັ້ນຄົນອົງການປະເທດບຣິກສຢ່າງເຕັມສ່ວນ, ຂະຫຍາຍເນື້ອໃນຍຸດທະສາດຂອງສາຍພົວພັນຈີນ-ຣັດເຊຍຢ່າງບໍ່ຢຸດຢັ້ງ.

    ທ່ານ ເຊີເກ ຊອຍກູ ກ່າວວ່າ: ຂອບໃຈຈີນທີ່ສະໜັບສະໜູນຣັດເຊຍຮັບໜ້າທີ່ເປັນປະເທດປະທານໝູນວຽນອົງການປະເທດບຣິກສ, ຣັດເຊຍຍິນດີສືບຕໍ່ຮ່ວມກັບຈີນເພີ່ມທະວີການແລກປ່ຽນທາງຍຸດທະສາດ,  ປະສານງານ ແລະ ຮ່ວມມືຢ່າງໃກ້ຊິດ, ຮັບປະກັນໃຫ້ກອງປະຊຸມສຸດຍອດຜູ້ນຳອົງການປະເທດບຣິກສທີ່ຈະຈັດຂຶ້ນຢູ່ນະຄອນກາຊານຂອງຣັດເຊຍໃນເດືອນໜ້ານີ້ປະສົບຜົນສຳເລັດຢ່າງຈົບງາມ.